Matie 24:14 - BII BILA

¹⁴ Yoongu kɛndɛ soo a masale Hala len o kɔɔ-o yondannin o ceendo coo kpow, haliko mi ken i va seilen le vanaa-mangalaa-isɔɔa súúlan kpow. O kon kɔɔli, mɛɛlulan la tiiya.»

Matie 24:14 Referans Kwoze

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Matie 10:7

La va pɛ kɔlan, la kei vannda diomndo ho tɛɛngul nɛi-tɛɛn maa masale halataala len le co nin le tiiyaa.

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Matie 24:6

La tuɛinin sɔɔn cɔwvon a ɲiimu-ɲiimu lacɔwvo. Kɛ la caa, yɔŋii kɔlta niaalan la laasian. Kani fɔ mì ken tosan, kɛ o ve vɔnin lamɛɛlu le la vanin ndan te.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Dɛnnda kiilaa 17:6

Kɛ a komal nda lon te. O kon má kɔa a Yasɔn nda vanaa laalannda a pum vanaa kialaa n'yamaa kobia o hɔl, má yonda aa: «Langbaa ha co keiyo vannda palaa o lɛŋnden coo kpow, má cè nda nihau nanu.

Esekiɛl 7:10

La tofa vɔ paale len! La tofa vɔ mɛɛ le tiiya yɛ! Telenndo tiiya, sionnden le co yandɔɔ! Yongaa co kuiyo taw!

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda kiilaa 20:25

I kei niaa kpow tɛɛn, mí pɛɛku niaa a Masale Hala len o kɔɔ, kɛ i sinà nihau maa vana ci lenin ya niaa tɛɛn te.

Matie 24:3

Mɛɛ Yeesu va icali o Pembii oliviei coo, mí kaandennda hun ɲuna ndu nda pilɛ kínɛí aa: «Dimul naa, telen kuɛɛ dɛnnda lan la yɔŋnun yɛnin? Ɔ́ɔ̀ tɔɔmasele hunɔɔ nɔmndo a tɔɔmasele mɛɛlula ceendo?»

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Luke 4:5

Mí masa ɲinaa vɔɔnda hel a ndu, mó cɔm ndu masɛi co o lɛŋnden coo-e kpow o lepilɔɔ,

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Dɛnnda kiilaa 11:28

Mí vana pilɛ o nda tɛɛn, diolan Akabus, o can a kpaaya Hala Kɔl-Diandaa, mó dimul vannda siɔdii lacio maa yima fofolan ma va hunɔɔ luɛyɔɔ fɔ́ɔ́fɔ̀, o ceendo ho coo kpede. (Telen Klode va masalen tosaa-o dɛnɛ kon yɔŋnun ni.)

Matie 18:19

Mì dimul niaa vɛlɛ toɲaa maa te vanaa ŋiɔn o niaa tɛɛn a cɛlan pɛ o lɛŋnden coo le ɲɛ-ɲɛ ɲunaa o piɛilen nin, Fuɲa ni co o halataala-o kenin nda ndu.

Luke 2:1

O telen kon, mí masaa Sesar Okust viam vannda le vanaa va o masale ndɔlen bɛngu-a kpow diolan sɛvaa.

Marke 13:10

Fɔ mì Yoongu Kɛndɛ Hala-o tiiyalan fɔlɔn vanaa-mangalaa-isɔɔa súúlan kpow.

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Dɛnnda kiilaa 19:27

Nduyɛ, te vana cee le, vannda co vali naa hoo pɛɛsa, handɔɔ o kon coo, mì tɔ́ɔ́ bɛndu Artemis hala-laandoo ho nɔ-o tambu. O kon mì bɔɔbɔɔyɛi ndɔɛi tambu, ndu hala-laandu vannda co ho sooloo o lɛŋnde Asii len nin a o ceendo coo kpow-vo.»

Hebreea 1:6

O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

Hebreea 2:5

Ceen co naa laci mì n va sɔɛi ndɔɛi dimio-o, o co mɛlɛkaa le Hala handu ndu bollen te.