Matie 24:13 - BII BILA

¹³ Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Matie 24:13 Referans Kwoze

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Marke 13:13

Vannda kpow a kɛɛnin niaa le diola nilan, kɛ vana lonin biuvɔnndo háá o mɛɛlulan-ndo, ndu sɔlanin cindaa.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Matie 24:6

La tuɛinin sɔɔn cɔwvon a ɲiimu-ɲiimu lacɔwvo. Kɛ la caa, yɔŋii kɔlta niaalan la laasian. Kani fɔ mì ken tosan, kɛ o ve vɔnin lamɛɛlu le la vanin ndan te.

Matie 24:12

Dɛnɛ vɔɔndo kuinin háá mì kaola vanaa bɔɔ-bɔɔ nɔ le Mɛlɛka-o dɔɔnan.

Luke 21:19

Lelan la ló biuvɔnndo, mì la sɔla cindaa.»