Matie 24:1 - BII BILA

¹ Mɛɛ Yeesu fula o Cɛi-Hala-o nin, mó bii kɔnndan, mí kaandeŋaa ndɔa sɔɔnguu o ndu lo le ndu cɔmndo mɛɛ Cɛi-Hala kalaa ndóò cɔwnun yɛ.

Matie 24:1 Referans Kwoze

Esekiɛl 8:6

Mó ɲuna ya aa: «Po vanacieo sei, a ce ɲɛ nda co tosaa-o? A ce dɛnnda nɔɔlɛila lamààla bɛndula cuavaa Israɛlla co tosaa nanu, haliko mi piow cɛi-kola-toandaa diandaa nuu, mì kɔɛnnun polon-ndan nɛ? Kɛ, a canin vɛlɛ dɛnnda nɔɔlɛila hiow lan vɔwlen polon-ndan.»

Matie 23:39

Kani i co niaa dimul, la ci lɛnin ya le, háá mì la dimi aa: ‹Biiloo co le vana co hunɔɔ o diola Mɛlɛka lan-ndo!›»

Yeremi 6:8

Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Nsaŋ 2:20

Mí Yuifia dimi aa: «Vɔsilan belehiɔɔlu a laŋɔmpum n co Cɛi-Hala-o ho tangullo, ndu nɔm dimi le mingio simio o palɛi ndii yáá bɛngu nuaa ni?»

Matie 21:23

Mí Yeesu kɔa o Cɛi-Hala-o nin. O lo pɛɛkoo, mí bolii vanaa-solia-lasálàá a kaasoŋaa kɔlkalua lelɛŋnda hun ɲuna ndu aa: «Nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Osee 9:12

Taa manda pɛ cuawva, telen cuavaa kan kandunin fulaa lenin-ndo, i poonda nda nda o ba. Dɛnɛ palaa vanin le nda lɔ́ɔ́ ya malnin nda mì faŋan nda ikɛi-yo.

Yeremi 51:61

Mí Yeremi dimul Seraya aa: ‹A tiiya pɛ Babilɔn, a kindin a dimi sɔɔn co o sɛbɛ kon nin-ndon kpow coocoo kpélén.›