Matie 23:9 - BII BILA

⁹ La veelu vana-vana o lɛŋnden coo aa ‹Fuɲa› niaa le, kani vanndo ndu pilɛ kpé co Fuɲa niaa ni, Fuɲa co o halataala-o pɛɛn.

Matie 23:9 Referans Kwoze

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Matie 7:11

Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?

1Korɛntea 4:15

Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

2Korɛntea 6:18

I vanin Fuɲa nia, mì niaa va poaa niaa a cuavaa nia.» Mɛlɛka nɔ kpaayaa kpow-vo dimi lende ni.

Dɛnnda kiilaa 22:1

«Puapilɛa nia a fuɲaa nia, la tuei ɲɛ ya co niaa dimul le vuunɔnndo le sɔɛi he-o.»

2Masaa 2:12

Elise cɔu lende, mó deŋi coocoo aa: «Fuɲa nuu! Fuɲa nuu! Ɲɛla ɲaanannda cɔlua nan-ndan a vanaa ɲaanun o soa Israɛl coo-a!» O kon, o ci lɛ Elii le. Mó saa volɔɔlan ndu pila lekɔɔ, mó sɛɛsa lan bungan mún miun.

Matie 6:32

Kani vanaa sina Hala le-a co fafaláà ɲɛm mun nuwviaa ni. Kani Fuɲa niaa co o halataala-o sina maa la nɔ makoo a ɲɛm mun.

2Masaa 13:14

Nàà piɔ́mndo biyɔɔ Elise, mí Yoas masaa Israɛl komal ndu, mó tundun ndu coo, mó caŋ. Mó va dimio aa: «Pua nuu ndee! Pua nuu ndee! Maa ɲɛla ɲaanannda Israɛlla, la soa nan-ndan a vanaa ndɔa ɲaanun o soa coo-a n co ni, Pua!»

2Masaa 6:21

Masa Israɛlla cɔu nda, mó ɲuna Elise aa: «Pua! Vɛ i diw nda?»

Matie 23:10

La tosa mì vannda veelu niaa aa: ‹Vana kúndaa› le, kani Vana kúndaa ndu pilɛ kpé niaa nɔ ni, Krista pɛɛn.