Matie 23:8 - BII BILA

⁸ Kɛ niaa niaa, la tosa mì vannda veelu niaa Kɔɔfa lan te, kani Kɔɔfanɔɔ ndu pilɛ kpé niaa nɔ ni. Niaa kpede, puapilɛa niaa co ni.

Matie 23:8 Referans Kwoze

Nsaki 3:1

Puapilɛa nia, la síŋnùn vanaa pɛɛkaa sɛ́lɔ́ɔ́ taw le, kani la sínà maa naa co pɛɛkoo-a, yamɛi nɛi i hiawnin ikalu.

1Piɛr 5:3

Ò va le kunda nda sɔɔ niaa o ba-o masalen tosaa coo a paa-kala le, kɛ le vaa tɔɔmasele kɛndɔɔ le nda.

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

Matie 23:10

La tosa mì vannda veelu niaa aa: ‹Vana kúndaa› le, kani Vana kúndaa ndu pilɛ kpé niaa nɔ ni, Krista pɛɛn.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Efɛsea 3:15

o yungulan o halataala, a laan o ceendo coo kpow sɔlà diolan o ba-o.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

2Korɛntea 1:24

N co niaa baŋɔɔ mì la laalan te, kani la co a simaa yili o laalanndo coo, kɛ n yeema mì n mala niaa o dɛnɛ kɛndɛ niaa nin.

Matie 26:49

Fɔ́ɔ́fɔ̀, mí Yuda sɔɔnguu Yeesu ikɛi, mó yil ndu aa: «Kɔɔfa isɛ!» Mó kɔman ndu.

Matie 10:25

Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?

Matie 23:7

À yeema mì vannda va keiyo nda yilɔɔ o bɛ́ɛ̀la bɛndulan. À yeema vɛlɛ mì vannda va nda veeloo aa: ‹Kɔɔfa›.

Matie 26:25

Mí Yuda va ndu malɔɔ vannda o ba-o cua sɔɛi, mó ɲuna aa: «Kɔɔfa, o co ya le le?» Mí Yeesu mulul ndu aa: «Nɔm pila cii dimi.»

Marke 9:5

Mí Piɛr cua sɔɛi, mó dimul Yeesu aa: «Kɔɔfa, o naŋ mì n vannun nanu. N simin cɛila-kolala-toandaalan tan yáá, nɔm o pilɛ, Moise o pilɛ, o pilɛ vɛlɛ le Elii.»

Marke 10:51

Mí Yeesu ɲuna ndu aa: «Yɛɛ n yeema yɛ mì tosal nɔm?» Mí vana sumɛiyo dimul ndu aa: «Vana bɛndoo, tosa mì ce vɛlɛ maa paandu.»

Marke 11:21

Piɛr yiyanndo a ɲɛ ndóò yɔŋnun-ndo, mó dimul Yeesu aa: «Kɔɔfa, tofa vɔ, voosu tum n dɔw danga-o vesa.»

Marke 14:45

Yuda tiiyaa dɔ́ɔ́ Yeesu ikɛi, mó yil ndu aa: «Kɔɔfa isɛ!» Mó kɔman ndu.

Nsaŋ 1:38

Yeesu mulinndo, mó cannun nda hunɔɔ ndu kɔɔli, mó dimul nda aa: «Yɛɛ niaa co yɛ nuwviaa?» Má dimul ndu aa: «Kɔɔfa naa n co nuwviaa ni, kuɛɛ nɛ n co yɛ o yiya?»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 3:26

Má kɔa o Nsaŋ-ndo, má kɔ dimul ndu aa: «Kɔɔfa, vana va nɔm hoo ikɛi Yurdɛn peo leeloo, ma timbi seilen a ndu o kɔɔ-o cɛn vannda yinɔɔ, vannda kpow a co kɔlan o ndu lo.»

Nsaŋ 4:31

O telen kon, kaandennda va Yeesu ɲɔɔloo aa: «Kɔɔfa, dio ɲɛdiaa!»

Nsaŋ 6:25

Má kɔ saalun ndu o dalaa kɔngɔɔ pilɔɔ, má ɲuna ndu aa: «Vana bɛndoo, telen kuɛɛ n tiiya yɛ nanu?»

Nsaŋ 9:2

Mí kaandeŋaa ndɔa ɲuna ndu aa: «Kɔɔfa, le yɛɛ nɛ langbanɔɔ ho velun yɛ o sumɛiyo? Mò va maa le haki vanaa velu ndu-a o suma ni baa le haki ndu pila tosa-o?»

Nsaŋ 11:8

Mí kaandennda dimul ndu aa: «Kɔɔfa, pɛi sun Yuifia va nɔm nuwviaa le nɔm viiyo a powtan le nɔm diyɔɔ ni, vɛ̀ɛ̀ a yeema vɛlɛ mà muungu lon?»

Nsaŋ 20:16

Mí Yeesu dimul ndu aa: «Mari!» Mó síná ndu, mó veelu ndu aa: «Kɔɔfa!»

Filemɔn 1:16

O co lɛ maa cɛ daama le, kɛ hiovɔɔ o kon coo, maa puapilɛ vana kaola taw-vo o co nin ni. I kaola ndu taw, nduyɛ, i laalan maa nɔm kaolanin ndu vɛlɛ hiovɔɔ o ya coo, a kaolanin ndu o vanacieeyɛi nin, mà kaola ndu vɛlɛ maa puapilɛ nɔmndo o Maalii nin.