Matie 23:5 - BII BILA

⁵ Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Matie 23:5 Referans Kwoze

Nsaŋ 12:43

Kani candɔɔla vanndacieea ndáà hiow yeema a Hala nda candɔɔ.

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Tɔŋ miingua 6:8

La va layiyaa niaa o laba maa tɔɔmasele, mì la va laholaa niaa o n'tendu maa lepónda.

Luke 20:47

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen, haliko mi vannda ce maa a naŋ. Lelan, Yamɛi ndɛi kiandunin dɛ.»

Tɔŋ miingua 22:12

A bɛnda ma bayiaa kolala n'pɛngɛlan o cɔcɔn hiɔɔlun kola n vanin kuumbuɔnndo-o.»

Fulaa 13:9

Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Filipea 1:15

I co toɲa maa vanaa pum a co vannda sɔɛi Krista-e tiiyallo le yeemɛi co nda o kɔl-le, te kon te a paŋalaa. Kɛ a pum yɛ nda, a yiyan kɛndɔɔ nda co kon tosaa ni.

Nsaŋ 7:18

Vana co sɔɔn ndu pila-on dimio-o, biilu ndɔ ndu pila-o o nuwviaa ni, kɛ vana co biilu vana vem ndu-o nuwvia-o, vana toɲaa co kon ni, kafala co ndu nin te.

Matie 9:20

Fɔ́ɔ́fɔ̀, mí vanalanɔɔ pum sɔɔnguu Yeesu a makɔɔ, vanalanɔ kon va pulɔn ivanalanɔyaa cɔu le vɔsilan tɔ́ a latiɔn, mó pilan bɔɔle doma bɛndu Yeesu-o.

Talelan 3:3

Sakpoyɛi a toɲaa bɛnda mì la fáŋàn o kela nɔmndo nin te, yiinun ndan o labolo, sɛva lan o pɛngɛi kɔl nɔmndo coo.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

2Masaa 10:16

Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

Tɔŋ miingua 11:18

Lelan, silala ya co niaa lan yɔngoo lan, la mandan ndan o kɔl, mì la sɛvan ndan o yoomu niaa nin di-di. La bɛnda mì la yiinun ndan o laba maa tɔɔmasele, mì la holnun ndan o n'tendu maa leponda.

Tɔŋ lasálàá 13:32

O paale ŋɔmmɛwndɔlen coo, vana-solia-lasálàá mɛɛndian ndu. Te o ce pɛ maa tɛ̀ɛ̀ndo hiw laci a dioo le, mò ce vɛlɛ maa yiiŋii co lecoo-e diw maa cuɛima yavaa le, maa tɛ̀ɛ̀ndo tuwnun mo hiaw yáw ndɔɔ le,