Matie 23:16 - BII BILA

¹⁶ Dɛnɛ palaa co le niaa, niaa simlacia sumɛiya! La co dimio aa: ‹Vana mɛnan bɛɛ a Cɛi-Hala-o, kon co isɔɔ le. Kɛ te vanndo mɛnan pɛ a sianin co o Cɛi-Hala-o nin-ndon, mɛɛ mɛnan kpeekpeiyo co kon ni.›

Matie 23:16 Referans Kwoze

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Matie 23:24

Niaa simlacia sumɛiya, la co mɛmma niaama kolan yueiyo le pengia pɔmbɔa solio lenin, mì la va ɲɔɔmɛɛa misio o man kolɔɔ.

Matie 23:17

Niaa vanaa sumɛiya bii ha dɛnɛ bila le-a! Sianion a Cɛi-Hala co sianion dindio-o, yɛɛ hiow yɛ?

Nsaki 5:12

Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.

Matie 23:26

Niaa Faliisia, vanaa sumɛiya niaa co ni. La dindi fɔlɔn lenin taala kólaa a hɛngɛiyo, haliko mi lekɔɔlio bɛɛ dendu.

Matie 23:19

Niaa vanaa sumɛiya ha, sálàá a fonda-loamaa-lasálà co sálàá dindi-o, yɛɛ hiow yɛ?

Kalatea 5:3

I co vɛlɛ ndi cɔɔlu dimi le vanpiaandua kɛ́-kɛ̀ co yɔngɔnndo le toomaa diyɔɔ: mɛɛ mà bii niko sɔɔn tɔŋndo dimi-on kpow.

Esai 9:16

Lelan, Maalii hininin kɔl a felengia piaandua ndaa le, o nɔnin iɲíí a víyaa ndaa a vanlaandua piaandaa ndaa vi-a le, kani nda kpow vanaa sendu le-a, a vanaa kɔlvesɛiya nda co ni. Nda kpow a co sɔɔn vɔɔnndon solinndo o lasondo. Kɛ a kon kpede, kɔltuw Mɛlɛka-o ɲulul-lɔ le, ba ndɔɔ co vɔ o heelaa tuŋ.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [