Matie 23:15 - BII BILA

¹⁵ Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co heeloo a tuusoo o lɛŋnden coo a o mɛmma ihɛllan coo, le vanndo sɔlaa mò handun niaa coo. O cuu yɛ pɛ handɔn, la cɔm maa o bɛnda mò kɔɛ o ɲánndávàà, maa ndu hiow niaa vɔwlen bɛmbɛ lediin.

Matie 23:15 Referans Kwoze

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Dɛnnda kiilaa 13:43

Bɔŋanndo cuvɔɔ, mí Yuifia bɔɔ-bɔɔ a vanaa sina Hala le-a, a va o kaannde Yuifia-a a del Pol nda Barnabas kɔɔli. Má suukan nda ndaa, má luei nda yoomuan maa a hiow laci a kɛndɛi Hala-e tiindanndo.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Dɛnnda kiilaa 14:2

Kɛ Yuifia pum laalan te, má luei vanaa ve N'Yuifi le-a pum sɔɔn nin le nda yiyannda vɔɔnndan yɔngoo a puapilɛa ndaa o kɔɔ.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

Kalatea 4:17

Vanaa pum a co dialun fulan a niaa, kɛ a nɔ yiyannda kɛndɛ a niaa le. A yeema mà faŋa niaa naa kɔɔli, haliko mi la mulin nda o ibuŋ a yiyannda niaalan kpede.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Dɛnnda kiilaa 17:13

Kɛ Yuifia va Tesalonike-a tueyɔɔ maa Pol va sɔɛi Hala-e dimio Beeree, má kɔa, má kɔ dɔaw vannda sɔɔn nin, mí vɔkɔ-vɔkɔɔ can sɛ́lɔ́ɔ́ tɛɛn.

Dɛnnda kiilaa 14:19

Mí Yuifia pum a can Antiɔs a Ikoniɔm, má muluti sɛ́lɔ́ɔ́. Má vii Pol a powtan, má sasu ndu o kobio kɔɔli, a va yiyanndo maa o vi.

Dɛnnda kiilaa 2:10

Frisii a Pamfilii, a pum a fula Esipte a o tàndá Libii-o nin, o co Sirɛne ikɛi-yo. Vanaa pum a fula Rɔm,

Dɛnnda kiilaa 6:5

Mí tuu kon hɛnan vannda. O kon, má hɛli Etiɛn, vana óò laalan taw mí ndóò pia a Hala Kɔl-Diandaa-o, handɔɔ Filipe, Prokɔr, Nikanɔr, Timɔn, Parmenas a Nikola óò fula Antiɔs mí ndóò va paandu o dina Yuifia-o.

Ɛstɛr 8:17

O kobila leboltan kpow nin a o kobi oo kobi nin, nɛɛ-nɛɛ sɔɛi masaa ndóò dimi ken o sɛbɛlan coo-e tiiya, mí i siŋnun dɛnɛ kɔlkɛndɛ bɛndoo, ɲaaloo, kafo diaa a kponyoo le Yuifia. Mí vanaa bɔɔ-bɔɔ a siinguun nda pila Yuifia o lɛŋnde len nin, kani siòònde va nda taw a Yuifia.

Matie 5:29

Te hɔlte nɔmnde ba kɛndɛlen le co tosa ni ma del o pɔwlan nin, mɛɛ kala len, ma viow len polon. Kani o co fisa mi dialii nɔmnde ndii pilɛ i tambu a nɔm pila kpow viownɔnndo o ɲánndávàà.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [