Matie 23:14 - BII BILA

¹⁴ Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co ɲɛm vanlaandua piaandaa ndaa vi-a kpow poondiaa, mì la muungu vɛlɛ piɛile vilɛi-vilɛilen tosaa, haliko mi vannda dɔw niaa taasi. Lelan, yamɛi kilulunnin niaa teengen, ɲíí venin te].

Matie 23:14 Referans Kwoze

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Marke 12:40

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen haliko mi vannda ce maa a naŋ. Yamɛi ndɛi kiandunin dɛ!»

Luke 20:47

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen, haliko mi vannda ce maa a naŋ. Lelan, Yamɛi ndɛi kiandunin dɛ.»

Fulaa 22:22

Te la luei pɛ nda mɔnɛi, mà cɛɛŋun ya Mɛlɛka o lani, í tuei nda diom.

SƐBƐ YƆB-O 22:9

Nɔm, a va vanlaandua piaandaa ndaa vi-a mingio bala fondo, má va vííya balan pesipesio.

SƐBƐ YƆB-O 31:16

Te o va pɛ maa mí tuŋ vanaa bala fondoa ɲɛm nda yeema-on, te kon te, mí kɛɛ le vanalanɔ pɔnɔ ndɔ vi-o ɲɛ ke,

Matie 11:24

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi Sodɔm-nde.»

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Luke 12:48

Kɛ te buɛiyo sina hɛnan vana ndɔ bɛndoo le, mò tɛɛmbuu, ndu sɔlanin lɔɔ bɔɔ le. Vana nda ke pɛ taw, a ɲuna ndu taw. Vana nda yɔngu yɛ pɛ ɲɔɔn taw mandaa, a ɲuna ndu vɛlɛ taw-taw.»

2Timote 3:6

Vanaa pum nda tɛɛn luɛinin o yungula pilalan nin, mà bii vanlaandua laasian a hakilan-nda, a yeemɛi vɔɔŋii súú-súù ka i pɛ o lakɔl-la pɛɛn.

Tite 1:10

Kani vanaa bɔɔ-bɔɔ co Yuifia laalan-nda tɛɛn, vanaa nila kalua, vanaa sondola yeelɛiya a vanaa huiyaa n'vannda nda co ni.

Nsaki 3:1

Puapilɛa nia, la síŋnùn vanaa pɛɛkaa sɛ́lɔ́ɔ́ taw le, kani la sínà maa naa co pɛɛkoo-a, yamɛi nɛi i hiawnin ikalu.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.