Matie 23:13 - BII BILA

¹³ «Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 23:13 Referans Kwoze

Luke 11:52

Dɛnɛ palaa co le niaa, niaa sina tɔŋndo taw-va. Kani la soli kíì co le luɛyɔɔ o dio kɔlkaloo-e. Niaa pila luei le, mí la kuuna vɛlɛ vanáà yeema le luɛyɔɔ-a luɛyɔɔ.»

Matie 23:29

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co sɛila vanaa-tɛɛngaa-diom Hala-a cɔvɔɔ, mì la va sɛila vanaa sandaa kɛɛmiaa,

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.

Matie 23:23

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co o-tɔ́ndɔɔ solio o tɔlɔɔwlan lapum nin maa mɛnte, anɛt a kumin, kɛ mì la va dɛnnda hiow vaa lasɔvɛ o tɔŋndo nin-ndan malɔɔ: lan la co dɛnɛ sandaa, vannda ɲííye tuinɔnndo a laalanndo ni. Dɛnnda lan niáà bɛnda le tosaa ni handɔɔ niko o dɛnnda tɔ̀lan coo.

Sakari 11:17

Dɛnɛ palaa co le diɔm sondo vesɛi mandaa n'saa, o mal saa ndɔa-o! Màá mɔɛi cɔwve sɛɛsiaa ndu congoo, mì i pɛl ndu hɔlte ba kɛndɛlen! Màá congú ndɔɔ vu lekɛ́ndɛi! Màá hɔlte ndɔle ba kɛndɛlen le muungu tɔ́liɔ̀!»

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

2Timote 4:15

Nɔm bɛɛ mandan a ndu dɛ, kani o simul bɔɔ sɔɔn nan.

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

2Timote 3:8

A simulnin toɲa Mɛlɛka-a mɛɛ Yanɛs nda Yambrɛs simul Moise yɛ (Fulaa 7.11).

Dɛnnda kiilaa 13:8

Kɛ mí Bar-Yeesu vana viamaa yavaa, o diola ndɔlan la va kon o krɛkiei nin aa Elimas-o simul nda, mó va vɛlɛ nɛilan nuwviaa le masa-ibungaa faŋaa o laalanndo coo.

Dɛnnda kiilaa 5:40

má kɔ veelu kiilaa kalaa, má dimul vannda, má lɔaa nda. O kon kɔɔli, má kuuna nda le sɔɛi o diola Yeesu lan, má mal nda, má kɔannun.

Dɛnnda kiilaa 5:28

«N kuuna niaa ndi pɛ́-pɛ́ maa la pɛɛku lɛ vannda o diola Yeesu lan te. Kɛ la tofa vɔ mɛɛ niaa pei Yerusalɛmnda pɛɛkula niaala lan nin yɛ. La yeema vɛlɛ mì la mingi naa kooma piɔ́m langbanɔ kon o lebol.»

Nsaŋ 9:34

Má mulul ndu aa: «Nɔm pila kpow, o hakio nin n velun ni, nɔm kon hun naa pɛɛkoo ni!» Má ɲindu ndu o bɛ́ɛ̀.

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Nsaŋ 9:22

Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Matie 23:25

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co taala kólaa a hɛngɛiyo tueiyo o kɔɔ, mì la va leninndo mɛiyo o nɔɔlɛiyo a ɲɛm niaa poondiaa vannda o laba-on a á ɲɛm niaa sɔla a yeemɛi bɛnduei-yon.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Matie 23:16

Dɛnɛ palaa co le niaa, niaa simlacia sumɛiya! La co dimio aa: ‹Vana mɛnan bɛɛ a Cɛi-Hala-o, kon co isɔɔ le. Kɛ te vanndo mɛnan pɛ a sianin co o Cɛi-Hala-o nin-ndon, mɛɛ mɛnan kpeekpeiyo co kon ni.›