Matie 22:7 - BII BILA

⁷ Mí masaa tuulu kɔl, mó viam vanaa ndɔa cɔwva, má kɔ diw vanaa diuvaa kan, má loam kobi ndaa.

Matie 22:7 Referans Kwoze

Luke 19:27

Le yaamɔaa nia yɛ, áà yeema mì yáà sul masa nda coo le-a, la hun a nda nanu, mì la diw nda ya o hɔl.›»

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

Luke 21:21

O tuma kon, vanaa vanin o tàndá Yuda-o nin-nda bɛnda ma ɲaanun le kɔnndan o pembon coo. Vanaa vanin o kobio nin-nda bɛnda ma faŋan. Vanaa vanin o ciɛɔn nin-nda bɛnda lɛ ma muungu ciee le.

Yɔɛl 3:2

Hali cɛa piaandua a à laandua coo, i tuisinin Kɔl nuu o palɛi ken nin.

Yɔɛl 2:25

I mingulnin niaa ɲɔɔn peelul le vɔsila sóónɔa, selennda, dɛlua a paaleŋaa yáà tuisi niaa coo-a tɛɛmbuu tɔlɔɔlan-ndan mangalaa.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Matie 22:6

Mí vanaa tɔ̀a bii buɛyaa kan, má saangiaa nda, má diw nda.

Matie 22:8

O kon mó dimul buɛyaa ndɔa aa: ‹Ɲɛdiaa kafo lanɔ sɛnɛiyo cuu toosiaa, kɛ vanaa yáà yoongu-a ndáà bɛnda le veelu sɔla le.