Matie 22:3 - BII BILA

³ Mó viam buɛyaa ndɔa le vanaa ndóò yoongu le ɲɛdiaa kon-nda kɔlan veeloo, kɛ vanaa kan a cɛl le hunɔɔ le.

Matie 22:3 Referans Kwoze

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Rɔmnda 10:21

Kɛ a Israɛl o kɔɔ, mó dimi aa: «Niinoo kpɛŋ, i va vanaa tui haa isɔɔ le-a a vanaa sɛɛngiaa kan balan siɛndullo.»

Nsaŋ 5:40

Nduyɛ, la yeema mì la hin o ya lo le cindaa sɔlaa le.

Dɛnnda kiilaa 13:45

Yuifia cɔu sɛ́lɛ́ kon, mí paŋalaa pia nda nin, má sɛɛngiaa Pol, má del ndu yeowlan.

Luke 19:27

Le yaamɔaa nia yɛ, áà yeema mì yáà sul masa nda coo le-a, la hun a nda nanu, mì la diw nda ya o hɔl.›»

Luke 15:28

O kon, mí bɛ ndɔ kon tambu kɔllo, o cɛl le luɛyɔɔ cɛinin te. Mí fuɲa ndɔ fula, mó ɲɔɔlu ndu.

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Sofoni 1:7

La mei Maalii, o co Mɛlɛka-o o hɔl kpili, kani paale ndɔlen le co le tiiyaa. Mɛlɛka cii sálàá toosiaa, o cii nin vanaa o veelu le sálà kon-nda dindi.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Osee 11:2

Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 25:4

Mɛlɛka pɛngi a niaa vanaa ndɔa baalaa, vanaa-tɛɛngaa-diom Hala-a vimndo le, kɛ la cɛl le nilan yaŋɔɔ mì la tuei le.

Esai 30:15

Kani nuaa Maalii, O co Mɛlɛka-o, O co O-Diandaa Israɛlla-o soo ni aa: «O calle yili nin a o pɛngio nin cinda niaa vanin ni, o meiyo nin a o ya tiindanndo nin yoomuma niaan ma vanin ni, kɛ la cɛl le tosaa lende le!»

Condii lisai 68:11

Òó Hala, lenin vanaa nɔmnda co icali ni, nɛɛ n kɛsi vanaa co o sangaa nin-nda o vanakɛndɛyɛi nɔmnde nin-nda pɛɛn.

1Samiɛl 9:13

La tiiya dɔ́ɔ́ pɛ ciee, la co ndu cɔ. La cua niko kɔlan, mì la suukan a ndu lɔ́ɔ́ pá o hel o fonda-loamaa-lasálàá le ɲɛdiaa dioo. Kani ndu bɛnda ni mo dɔw sálàá duaa lɔ́ɔ́ pá mì vanaa nda veelu-a de ndu.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Matie 21:34

Telen kiandaa n'rɛsɛnndo tiiyaa, mó viam buɛyaa ndɔa o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo o ndɔɔ.

Matie 9:15

Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.