Matie 22:16 - BII BILA

¹⁶ Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Matie 22:16 Referans Kwoze

Marke 3:6

Fɔ́ɔ́fɔ̀, mí Faliisia fula, má kɔ tundu nda vanaa va o kunda Herɔde-o coo-a le nɛilan nuwviaa le Yeesu diyɔɔ.

Luke 20:21

Má ɲuna ndu aa: «Vana bɛndoo, n sina maa o sandei nin n co sɔɛi le vannda pɛɛkoo ni, a co vana-vana tofa le, o toɲaa coo n co vannda sɔɛi Hala-e pɛɛkoo ni.

Marke 12:14

Má kɔ dimul ndu aa: «Kɔɔfa, n sina maa vana toɲaa n co ni, nduyɛ a vo le vana-vana toɲaa dimullo le. O toɲaa coo n co vannda sɔɛi Hala-e pɛɛkoo ni. Vɛ̀ɛ̀ o bɛnda pá mì n mal muloo Sesar o ba? N mal ndu muloo o ba bàà n mal te?»

Marke 8:15

Mí Yeesu dimul nda aa: «La mandan a lɛvɛn Faliisia a á lɛvɛn Herɔde-o.»

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 7:18

Vana co sɔɔn ndu pila-on dimio-o, biilu ndɔ ndu pila-o o nuwviaa ni, kɛ vana co biilu vana vem ndu-o nuwvia-o, vana toɲaa co kon ni, kafala co ndu nin te.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

1Tesalonikea 2:4

Kɛ mɛɛ hɛnan Hala-o co yɛ naa n co sɔɛi lɔ́ɔ́-lɔ́ɔ̀ ni. Kani o handu naa kɔllo coo, mó yɔngu naa Yoongu kɛndɔɔ le niaa tiiyallo. O co hɛnan n'vanndaciee le naa n co nuwviaa le, kɛ hɛnan Hala sínà yiyannda kɔlta naalan-ndo.

Kalatea 2:6

Kɛ vanaa vannda a va cɔu maa vanaa lebɛɛ-a, i co bɛɛ isɔɔ a mɛɛ nda va yɛ o kɔɔ le! Kani Hala hiyan vannda le-a beŋ ya ɲɛ-ɲɛ le.

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Luke 7:40

O kon mí Yeesu cua sɔɛi, mó dimul Faliisinɔ kon aa: «Simɔn, i yeema mì dimul nɔm isɔɔ.» Mí Simɔn muli aa: «Soo, Kɔɔfa!»

Marke 10:17

Yeesu cɔnɔnndo kɔlan, mí langbanɔɔ pum ɲaanun ndu kɔɔli, mó kɔ baŋ vulan ndu o labɛngunin. Mó ɲuna ndu aa: «Kɔɔfanɔ kɛndɔɔ, yɛɛ ya tosa yɛ mì sɔla cinda fɛɛn-fɛɛndo?»

Matie 26:49

Fɔ́ɔ́fɔ̀, mí Yuda sɔɔnguu Yeesu ikɛi, mó yil ndu aa: «Kɔɔfa isɛ!» Mó kɔman ndu.

Matie 26:18

Mí Yeesu mulul nda aa: «La kɔ o kobio nin, o vanndo pum ndo, mì la dimul ndu aa: ‹Kɔɔfa dimi aa telen ndɔɔ tiiya, o nɔm ndo o tosanin kafo-hiavaa-coo nda kaandeŋaa ndɔa ni.›»

Matie 22:26

Mí dɛnɛ pilɛ kon tosan a o diinndɔɔ. O kon kɔɔli, mó tosan lende a o yàándɔɔ kɔlan tiiyaa háá di a o ŋɔmmɛwndɔɔ.

Matie 22:24

«Kɔɔfa, Moise dimi aa: Te vanndo vi pɛ, mò mɛi hɔ́ɔ́ le, puapilɛ vana kon bɛnda mò loo lanɔ o mɛi-yo, mò koma vilul vana vi kon-ndo cuawva.

Malasi 2:9

Lelan ya co tosa ni mì siɛmbulan la bii niaa Israɛlla kpow o hɔl, mà kelun niaa yii. Kani la tui sɔɛi nii le, la va vɛlɛ vannda hiyanndo o tɔŋndo biyɔɔ nin.»

Malasi 2:6

A toɲaa leviia va tɔŋndo pɛɛkoo ni. Còòla fula nda o lasondo lɔ́ɔ́-lɔ́ɔ̀ le. Bɛnda kɛndɛ-kɛndɔɔ va naa tɛɛn naa ndaa. Má faŋa vanaa bɔɔ-bɔɔ o nɛi vɔɔndo coo a sandii ndɛi.

Talelan 29:5

Vanndo hiw pɛ caan ndɔ sangalaa, mɛɛ o hendul ndu yaŋɔɔlen.

Condii lisai 55:21

Caan nuu lɔ́ɔ́ kon bii vanaa nda va kelaa o kɔlɲuloo nin-nda. O peelu kpema o yii-o le.

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

Condii lisai 5:9

Mɛlɛka, sim ya laci o dɛnɛ sandaa nɔmndo nin le vanaa co ya cɔlɔbaa-a. Peelu nɛi nɔmndo tɛ́lɛ́lɛ́ ya laci.

1Masaa 22:14

Kɛ mí Misee muli aa: «Te Mɛlɛka co yoomu, i tɛɛngulnin ndu ɲɛ Mɛlɛka dimulnin ya-o!»

Tɔŋ miingua 33:9

Nda dimi ni aa a ci kala nda a fuɲa nda le. Nda sina puapilɛ le, a sina po vialaa le. Kani a bii sɔɛi nɔmnde, má manda kpema nɔmndo.

Marke 12:13

Má vim Yeesu Faliisia pum a vanaa va Herɔde kɔɔli-a a pum le ndu yaŋɔɔlan miingullo, haliko mi ndáà bii ndu o sɔɔn ndɔn nin.