Matie 22:13 - BII BILA

¹³ O kon mí masaa dimul buɛiya aa: ‹La yii ndu pelon a balan, mì la viow ndu o ɲumndan nin o bɛ́ɛ̀, nɛɛ caŋndan a ciŋndon sɔmndo vanin-nda.›

Matie 22:13 Referans Kwoze

Matie 8:12

Kɛ mà viow vanáà bɛnda le masalen loo kɛɔ-va o ɲumndan nin o bɛ́ɛ̀, nɛɛ vannda vanin caŋndan a ciŋndon sɔmndo-a.»

Matie 25:30

Vana baala nɛŋi hoo vana mako loo ndu, la soli ndu o bɛ́ɛ̀ o ɲumndan nin, nɛɛ caŋndan a ciŋndon sɔmndo vanin-nda.›»

2Piɛr 2:17

Vanaa kan co macoaa maa soonnda mamɛnnda nɔ mamɛn lenin te lan, maa piɔɔ helaa hoeyii fùkù-fùkùei hivi-o, ɲumma bɛndu-bɛnduan ma co nda cum.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Luke 13:28

O kon la caŋnin mì la sɔm ciŋndon, telen niaa canin Abraham, Isaak, Yakɔb a vanaa-tɛɛngaa-diom Hala-a kpow o Masale Hala len nin, mà viow niaa o dio-o pɛɛn.

Matie 24:51

O pesinin ndu, mò tosal ndu mɛɛ vana tosal vanaa muuluannda yɛ. Mò yɛɛ ndu nɛɛ caŋndan a ciŋndon sɔmndo vanin ni.»

Matie 13:50

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.»

Matie 13:42

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Matie 13:30

La mal lende mò sul latulu vellaa-velle háá o telen koavaa. Te kovɔɔ tiiya pɛ, i dimulnin vanaa koavaa mà sungu fɔlɔn bil vɔɔn kalaa, mà yiw ndu kpɔŋndan le ndu lomɔɔ, o kon à mɔɔsiaa niko maalon, a vow mun o konda.›»

Matie 12:29

Te kon te, vɛ̀ɛ̀ vanndo nɔla yɛ mò kɔ luɛi o vana kpaayaa pum ndo cɛinin, mò cua ɲɛm ndɔn kpow, te o yii fɔlɔn vana kpaaya kon, malan o mulin niko mo cua ɲɛm ndɔn te?

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Condii lisai 112:10

Vanaa yɔŋ vɔɔnda canin ndu mà tambu kɔltan, a vanin ciŋndon somisomio mà vi diallon. A toɲa, yeemɛi vanaa yɔŋ vɔɔnda siŋnunnin ɲɛ fondoo.

Condii lisai 37:12

Vana kɔlvesɛiyo co kɔlkalu vɔɔndo nuwviaa le vana sandaa dúmbóó yiiyo, o co ndu ciŋndon kumbillo kpangaɲan.

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

Nsaŋ 21:18

I co nɔm toɲaa dimul kpendekele, telen n va felengi-o, nɔm pila va yáwlen yiinɔnndo ni, mà va kɔlan nɛɛ nɔm óò yeema-a, kɛ telen n yuuvanin-ndo, a siɛndinin balan mì vana celen yii nɔm yáwlen, mò kɔɛ a nɔm nɛɛ n yeemanin te-a.»

Daniɛl 3:20

Mɛɛ masaa dimi lende, má tuulu tóndó bɛndu kon kpɛi-kpɛi. O kon kɔɔli, mó dimul langbaa kalaa nɔ kpaayaa o kunda vanaa ndɔa cɔwva nin-nda le Sadrak, Mesak a Abɛd-Neko yiiyo mà ŋɔw nda peŋ, mà viow nda o tóndó bɛndu leyinndo nin. Lelan, má yii nda peŋ a domala ndala bɛndulan, lɛmbɛla ndalan, mɔsilta ndalan a volɔɔla tɔ̀la va nda lekɔɔ lan kpow, má viaw nda o tóndó bɛndu leyin kon nin. O kon, mí vanaa viow Sadrak, Mesak a Abɛd-Neko o yin-nda ŋɔa a yelenyelen va fulaa o yin-ndo, má vu.