Matie 21:5 - BII BILA

⁵ «La dimul vannda Siɔn aa: ‹La tofa vɔ masa niaa hunɔɔ o niaa lo. O co vana kɛndɛ bɛndu. O co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.›»

Matie 21:5 Referans Kwoze

Esai 62:11

La tuei-yɔ Mɛlɛka, o co sɔɛi he yondaa háá nɛɛ lɛŋnden le mɛɛlu-a aa: «La dimul vannda Siɔn aa ‹La tofa vɔ vana ciindiaa niaa hunɔɔ. Salaa co ndu o ba, vɔ̀ngɔ̀ ndɔɔ co ndu laci.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Osee 1:7

Kɛ i lonin Yudaa kaolaa tei, mì ciindiaa nda, ya Mɛlɛka Hala ndaa. O venin a kpaasiaa le, o venin a mɔɛi cɔw le, o venin a cɔw le, o venin a n'so, o venin vɛlɛ a vanaa ɲaanun o soa coo-a le ya ciindiaanin nda.»

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Esekiɛl 37:24

David vana ni baala vanin masa ndaa ni. Nduyɛ nda kpede, vana manda n'saa ndu pilɛ nda nɔnin ni. A kelanin o pɛɛkula nilan coo, mà bii silala nilan, mà tosa mɛɛ la dimi yɛ.

Esekiɛl 34:24

Ya Mɛlɛka, ya vanin Hala ndaa ni, David vana baala nuu vanin simlacinɔɔ nda tɛɛn ni. Nduyɛ ya Mɛlɛka, ya soo lende ni.

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

Condii lisai 9:14

Éé Mɛlɛka! Tofa vɔ mɔnɛi yaamɔɔa co ya lueiyo-e, Tuinun ya iɲíí, ma faŋa ya o dio piɔ́mndo sondoo.

1Masaa 10:26

Mí Salomɔn cuungiaa ɲɛla ɲaanannda soa nan-ndan vàá pilɛ a kɛmɛ lehiɔɔlu, soa vaalan tɔ́ a latiɔn, mó manda a pum ndu ikɛi Yerusalɛm, mó yaa a pilla o kobila yɛ́-yɛ́la ndóò bɛɛndiaa le nda mandaa lan nin.

1Masaa 1:33

Mó dimul nda aa: «La mɔɔsiaa vanaa nia baalaa nɛɛ pilɛ, mì la heelu Salomɔn po ni o sofɛlɛ lemasa nuu coo, mì la tol a ndu Kihon.

2Samiɛl 16:2

Mí masaa ɲuna ndu aa: «Siba, yɛɛ nɛ n yeema yɛ tosaa a ɲɛlan ndan?» Mí Siba mulul ndu aa: «Àá masaa! O sofɛlɛa ha coo yungu nɔmndo helnin ni, buloo hoo a kullon mun, le balo vanaa nɔmaa cɔwva ni, mɔiyan man yɛ, le vanaa sanganin o lɛŋnde veselɛilen nin-nda bololan pɔɔlaa ni.»

Masaa kialaa n'yamaa 12:14

Mó vialu poaa belehiɔɔlu, mó sɔla poaa imamaa beleyaa, ndáà hel o sofɛlɛa belaŋɔmmɛw coo ni. Vɔsilan tan ŋɔmaa Abdɔn sim Israɛlla laci ni.

Masaa kialaa n'yamaa 5:10

Niaa co icali o sofɛlɛa laandua humbua coo-a, niaa co icali o valalan coo-a, a niaa co kɔlan o nɛi-ya, la keela kɔllo.

Tɔŋ miingua 17:16

Masa niaa suilinin kon-ndo bɛnda mò nɔ soa taw le, o bɛnda mò mingi vɛlɛ Israɛlla pum Esipte le soa sɔlaa taw-taw le. Kani Mɛlɛka dimul niaa aa: ‹La muungu lɛ o nɛi kon coo le.›

Kundalan 24:19

Vana fulanin o pulun Yakɔb-on nin-ndo siŋnunnin masa tɔ́ɔ́ bɛndoo. Ndu diwnin vanaa lonin yoomu o kobilan nin-nda ni.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Matie 21:6

Mí kaandeŋaa kan kɔa, má kɔ tosa mɛɛ Yeesu ndóò dimul nda yɛ.

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.