Matie 21:43 - BII BILA

⁴³ Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Matie 21:43 Referans Kwoze

Matie 21:41

Má mulul ndu aa: «O diwnin vanaa diuvaa n'vanndacieaa kan o venin a iɲíí le, mò yɔngu vanaa baalaa celen nakɔ kalaa le mandaa, á kenin ndu tɔnɔ nakɔɔ o telen bɛnda-o-a.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Esai 26:2

La kumbi diolan haliko mi vanaa-mangalaa-isɔɔa sandaa lo o diomnden coo-a luɛi.

Esai 28:2

Kani tofa vɔ, Maalii nɔ langbanɔ mayoomu nɔ kpaayaa-o o ba, kpaaya ndɔɔ co maa piɔɔ loeon deliaa, maa hoeyii fùkù-fùkùi tɛɛmbuu ɲɔɔn-nde, maa piɔɔ hoeyii bɛndu tosa mi mɛnndan ma pɛ o peela pɔmbɔlan, mi ma va ɲindɔɔ taw-ve. O ɲindunin mɔsil lemasa kon lɛŋ dí a kɔltuwvo.

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

1Korɛntea 13:2

Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

Matie 12:28

Kɛ te o va pɛ aa a Kɔl Hala-o ya co ɲinaa vɔɔnda tovɔɔ ni, mɛɛ masale Hala len le hin o niaa lo dí.

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

Matie 21:44

Vana-vana del pɛ o pow kon coo, o yomiyomi. Vana-vana pow kon del pɛ coo, o cui ndu.»