Matie 21:42 - BII BILA

⁴² O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

Matie 21:42 Referans Kwoze

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Dɛnnda kiilaa 4:11

A ndu Yeesu o kɔɔ Sɛbɛ Hala-o dimi ni aa: ‹Pow vanaa cɔavaa cɛiya viow-vo siŋnun pow kilaa cɛiyo.›

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

Habakuk 1:5

Mɛlɛka dimi aa: «La tofa vɔ o vanaa-mangalaa-isɔɔa tɛɛn. Kɔndɔfillo co niaa biyɔɔ taw, kani dɛnɛ pum co hunɔɔ tosan o telen niaa, hali vana ce dɛnɛ kon-ndo hun dimul niaa bɛɛ, la laalannin te.

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.