Matie 21:41 - BII BILA

⁴¹ Má mulul ndu aa: «O diwnin vanaa diuvaa n'vanndacieaa kan o venin a iɲíí le, mò yɔngu vanaa baalaa celen nakɔ kalaa le mandaa, á kenin ndu tɔnɔ nakɔɔ o telen bɛnda-o-a.»

Matie 21:41 Referans Kwoze

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Dɛnnda kiilaa 28:28

Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.» [

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

Dɛnnda kiilaa 28:8

Fuɲa ndɔ va ihini o kpeloo coo. Diallon va ndu nɛiyo, o va vɛlɛ sɔndian-makòó. Mí Pol kɔ tofa ndu, mó piɛi Hala, mó handu ndu balan coo, mó singi ndu.

Dɛnnda kiilaa 15:7

Mɛɛ nda viow sɛɛngianndo tei, mí Piɛr can, mó dimi aa: «Puapilɛa nia, la sina maa o co lɛhau le Hala hɛli ya niaa tɛɛn le vanaa co N'Yuifi le-a Yoongu Kɛndɔɔ tiiyallo le, haliko ma tuei, ma laalan.

Matie 3:12

Fɛlɛ ndɔ hɛyaa co ndu o ba, o bɛɛsuunin kpele lɔaa n'mal ndɔɔ, mò vow malun ndɔn o konda, mò lom tɛ́fɛ́lan o yinnde ɲum te len nin.»

Sakari 13:8

Mɛlɛka dimi aa: «O lɛŋnden nden kpow nin, o vanndacieea kundalan tan yáá coo, kundalan tan tiɔn la vunin, mì o pilɛ lo yoomu.

Sakari 12:12

Lɛŋnden kpow le vanin o dɛnɛ palaa nin. Yungu oo yungu nɔnin dɛnɛ palaa o ndɔɔ: yungu David-o o ndɔɔ, vanlaandua ndaa o ndaa, yungu Natan-ndo o ndɔɔ, vanlaandua ndaa o ndaa,

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Esai 65:15

Diola niaalan la lonin vanaa niaa ya hɛli-a o lasondo o mɛɛniaalan nin, mà va dimio aa: «Màá Maalii, o co Mɛlɛka-o cua nɔm mà sɔla piɔ́mndo lende fɔ́!» Kɛ o kenin vanaa ndɔa baalaa diola celen.

Matie 21:34

Telen kiandaa n'rɛsɛnndo tiiyaa, mó viam buɛyaa ndɔa o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo o ndɔɔ.

Matie 21:40

Te vana nakɔɔ hin niko pɛ, vɛ̀ɛ̀ o tosa yɛnin a vanaa tósà baalaa o nakɔ n'rɛsɛnndo nin-nda?»

Luke 20:16

O hunnin, mò diw vanaa tósà kan baalaa o nakɔ n'rɛsɛnndo nin-nda, mò sɔɔ nakɔɔ vanaa celen o ba.» Mɛɛ nda tuei lende, má dimi aa: «Màá i yɔŋnun lende le!»