Matie 21:34 - BII BILA

³⁴ Telen kiandaa n'rɛsɛnndo tiiyaa, mó viam buɛyaa ndɔa o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo o ndɔɔ.

Matie 21:34 Referans Kwoze

Esai 5:4

Yɛɛ nɛ ndóò lo yɛ vɛlɛ le tosaa o nakɔ nuu nin o ya tosa lenin too? Le yɛɛ nɛ ya va yɛ tiindanndo maa o co rɛsɛŋun kɛndɔn komɔɔ, kɛ mó koam rɛsɛŋun vɔɔnndon?

Matie 22:3

Mó viam buɛyaa ndɔa le vanaa ndóò yoongu le ɲɛdiaa kon-nda kɔlan veeloo, kɛ vanaa kan a cɛl le hunɔɔ le.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Matie 21:35

Kɛ mí vanaa tósà baalaa o nakɔ n'rɛsɛnndo nin-nda bii buɛyaa ndɔa kan, má lɔaa o pilɛ, má dii o pilɔɔ, má vii o yàándɔɔ a powtan.

Matie 21:38

Kɛ vanaa tósà baalaa o nakɔ n'rɛsɛnndo nin-nda cɔu po ndɔɔ, má dimulan aa: ‹Vana nɔ kɛ́ɔ-vo co hoo ni. La hun n diinun ndu, mí n loo kɛ́ ndɔɔ.›

Matie 21:40

Te vana nakɔɔ hin niko pɛ, vɛ̀ɛ̀ o tosa yɛnin a vanaa tósà baalaa o nakɔ n'rɛsɛnndo nin-nda?»

Matie 21:41

Má mulul ndu aa: «O diwnin vanaa diuvaa n'vanndacieaa kan o venin a iɲíí le, mò yɔngu vanaa baalaa celen nakɔ kalaa le mandaa, á kenin ndu tɔnɔ nakɔɔ o telen bɛnda-o-a.»

Marke 12:1

O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Marke 12:7

Kɛ mí vanaa tósà baalaa o nakɔ n'rɛsɛnndo nin-nda dimulan aa: ‹Vana nɔ kɛ́ɔ-vo co hoo ni. La hun n diinun ndu, mì kɛ́ɔ lo le naa.›

Marke 12:9

Yɛ̀ɛ̀ vana nakɔɔ tosa yɛnin? O hunnin, mò diw vanaa tósà kan baalaa o nakɔ n'rɛsɛnndo nin-nda, mò sɔɔ nakɔɔ vanaa celen o ba.

Luke 20:9

O kon kɔɔli, mí Yeesu dimul vannda taloo aa: «Langbanɔɔ pum tɔl nakɔ n'rɛsɛnndo ni, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin le telen vilɛi.