Matie 21:12 - BII BILA

¹² Mí Yeesu luɛi o Cɛi-Hala-o nin, mó toaw vanaa va ɲɔɔn pisio-a a vanaa va ɲɔɔn piondɔɔ-a kpow, mó ɲiinduu tabalila vanaa singaa n'volia a kpɛŋɛla vanaa va kangboa pisio-a.

Matie 21:12 Referans Kwoze

Tɔŋ lasálàá 1:14

Te yowvo o yɔngu le Mɛlɛka sálà loamaa solullo ni, o bɛnda mò yɔngu piindo, te kon te kangboo.

Tɔŋ lasálàá 5:7

«Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Luke 2:24

Ndáà kɔɛ vɛlɛ le sálàá solio mɛɛ o co o sɛvaa o tɔŋ Mɛlɛka-o nin yɛ aa: «Piinda nda ŋiɔn, te kon te kangboa tɛlɛa nda ŋiɔn.»

Tɔŋ lasálàá 12:8

Te vanalanɔ kon nɔ se le saa téndóó sɔlaa le, o yɔngu piinda nda ŋiɔn, te kon te kangboa nda ŋiɔn, o pilɛ le sálà loamaa solio, o pilɔɔ le sálà co le hakio sɔlaa malɔɔ-o. O kon, vana-solia-lasálàá tosa faleŋii dindiannde le ndu, kon tosa ni mì komsa kon dendu Mɛlɛka o hɔl.›»

Tɔŋ lasálàá 14:22

O kon, o bii vɛlɛ piinda nda ŋiɔn a kangboa nda ŋiɔn, mɛɛ o nɔ seo yɛ. Yovaa kan, o pilɛ le sálà co le hakio sɔlaa malɔɔ-o solio, o pilɔɔ le sálà loamaa solio.

Fulaa 30:13

O vanaa sɛvannin-nda nin, vana-vana bɛnda mò yɔngu tààngáà mɛɛ volin latámán co dionnɔnndo o Cɛi-Diandaa nin-ndon co yɛ. Le ya Mɛlɛka mulu kon biinunnin ni.

Marke 11:11

Mí Yeesu luɛi Yerusalɛm ciee, mó luɛi o Cɛi-Hala-o nin. Ciiyo ndu mɛɛndianndo kpede, mó kɔannun Betani nda kaandeŋaa ndɔa tɔ́ a à ŋiɔnda, kani paalen léè del nin.

Tɔŋ lasálàá 14:30

O kon vana-solia-lasálàá cua vɛlɛ piindo o pilɛ, te kon te kangboo o pilɛ, mɛɛ vana kon nɔ seo yɛ,

Tɔŋ lasálàá 12:6

Te palɛi ndɔɛi dindiannde cuu pɛ le hɔ́ɔ́ piaandu, te kon te le hɔ́ɔ́ laandu o velu-o, komsa kon yoo vana-solia-lasálàá saa téndé nɔ vɔsio pilɛ-o le sálà loamaa solio, a kangboo pilɛ, a piindo pilɛ le sálà co le hakio sɔlaa malɔɔ-o solio o cɛi-kola-toandaa-labɔɔŋianndo sondoo.

Tɔŋ lasálàá 15:29

O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o yoo vana-solia-lasálàá nda o cɛi-kola-toandaa-labɔɔŋianndo sondoo.

Tɔŋ lasálàá 15:14

O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o kɔɛ Mɛlɛka o hɔl o cɛi-kola-toandaa-labɔɔŋianndo sondoo, o kɔ yɔngu vana-solia-lasálàá nda.

Tɔŋ lasálàá 5:11

Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.

Nsaŋ 2:13

Kafo Yuifia va nin kpɛɛlun, kafo-hiavaa-coo pɛɛn, mí Yeesu hel Yerusalɛm.