Matie 21:11 - BII BILA

¹¹ Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Matie 21:11 Referans Kwoze

Nsaŋ 6:14

Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Nsaŋ 7:40

Sɛ́lɛ́ va lon-ndo ciiyo sɔɔn o va dimio-on tueyɔɔ, má va dimio aa: «Vana-tɛɛngaa-diom Hala-o kpeekpei langbanɔɔ ho co ni.»

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Nsaŋ 9:17

O kon má muungu, má ɲuna vɛlɛ vana va kon o sumɛiyo-o aa: «Nɔm niko, vɛ̀ɛ́ n yiyan yɛ a langbanɔ kumbi nɔm hoo hɔltan-ndo?» Mó muli aa: «Vana-tɛɛngaa-diom Hala-o o co ni.»

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

Nsaŋ 1:21

Má ɲuna ndu aa: «Nɛ̀ɛ́ n co yɛ? Mò va maa Elii n co ni?» Mó dimi aa: «I co Elii le.» Má ɲuna ndu aa: «Mò va maa vana-tɛɛngaa-diom Hala naa n co cumndo-o ni?» Mó muli aa: «Ɛ-ɛ!»

Marke 6:15

A pum a va dimio aa: «Elii ni.» Mì a pum nda va dimio aa: «Vana-tɛɛngaa-diom Hala-o maa haa sindɛ cɛn nuaa ni.»

Luke 24:19

Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Nsaŋ 1:25

Má ɲuna ndu aa: «Le yɛɛ n co yɛ niko vannda yinɔɔ, nɔm yɛ a co Krista le, a co Elii le, a co yɛ vana-tɛɛngaa-diom Hala-o le?» Mí Nsaŋ mulul nda aa:

Luke 13:33

Kɛ mɛɛ mì hiow hau laci, siɔdii a diɛŋ bɛɛ, kani o bɛnda mì vana-tɛɛngaa-diom Hala-o vi nɛɛ celen te, fɔ Yerusalɛm.»

Luke 7:39

Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Matie 21:10

Tuma Yeesu luɛi Yerusalɛm ciee-o, mí cieo kpow biiŋun. Mí vannda va ɲuunianndo aa: «Nɛ̀ɛ́ co yɛ hoo?»

Matie 21:26

Te n muli yɛ vɛlɛ pɛ aa: ‹Vanndacieea óò vem ndu ni›, siòònde bɛnda mì i bii naa a sɛ́lɔ́ɔ́ ho, kani nda kpow a ce maa vana-tɛɛngaa-diom Hala-o Nsaŋ yɔŋnun ni.»

Matie 21:46

Má va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́, kani a va ndu cɔu maa vana-tɛɛngaa-diom Hala.