Matie 21:10 - BII BILA

¹⁰ Tuma Yeesu luɛi Yerusalɛm ciee-o, mí cieo kpow biiŋun. Mí vannda va ɲuunianndo aa: «Nɛ̀ɛ́ co yɛ hoo?»

Matie 21:10 Referans Kwoze

Dɛnnda kiilaa 9:5

Mí Sol ɲuna aa: «Nɔm nɛ̀ɛ́-nɛ̀, Maalii?» Mí diomndo muli aa: «Ya ni, Yeesu n co yɛlen tollo-o.

Luke 9:9

Kɛ mí Herɔde dimi aa: «Ya vem vannda ni le Nsaŋ bollen kiolɔɔ. Ɔ́ɔ̀ niko Nsaŋ ya co hoo sɔɔn ndɔn tueyɔɔ-o?» O va nɛilan nuwviaa le ndu cɔu.

Luke 7:49

Mí vanaa va dioo nda ndu latulu-a va ɲuunianndo o kɔlnin aa: «Ɛ̀ɛ̀ vana súú yɛɛ langbanɔɔ ho ndu co yɛ, o co hoo vannda hakilan malɔɔ-o?»

Luke 5:21

Mí vanaa pɛɛkaa latɔŋnda a Faliisia a kandu yiyanndo aa: «Vana súú yɛɛ co yɛ ho sɔɔn tanan dimio a Hala o kɔɔ? Ɔ́ɔ̀ vana tiwba mò mal vana haki-o, te o co Hala ndu pilɛ kpé le?»

Esai 63:1

Nɛ̀ɛ́-nɛ̀ co yɛ hoo cɔnɔnndo o lɛŋnde Edɔm-nden nin mò va hunɔɔ? O co hoo cɔnɔnndo o kobio Bɔsra nin, mì sɔŋnda siaŋalan la va o volɔɔla ndɔlan-ndo? Vana kalaa co hunɔɔ a volɔɔla sɔvɛlan lekɔɔ, o co hunɔɔ a hɔlaa heelaa, a kpaaya ndɔɔ o piaa ndu o n'dial ca. Ya Maalii co sɔɛi a sandei ni, ya nɔ kpaayaa le (niaa) ciindiaa-o ni.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

1Samiɛl 16:4

O kon mí Samiɛl tosa mɛɛ Mɛlɛka dimul ndu yɛ, mó kɔa Bɛtlɛhɛm. Kaasoŋaa kɔlkalua va o kobi kon nin-nda cɔu ndu hunɔɔ, má hun ndu bɔŋaa a buulanndo. Má dimul ndu aa: «Màá hunɔɔ nɔmndo va sɔɛi kɔlɲulu fɔ́!»

Ruti 1:19

Má kɔa nda ndu latulu háá má tiiya Bɛtlɛhɛm. Ndáà tiiyaa Bɛtlɛhɛm, mí cieo biiŋun kpow le nda. Mí vanlaandua va ɲuunianndo aa: «Vannda sei! O co macoaa Noemi le co hoo le?»

Nsaŋ 2:18

O kon mí Yuifia cua sɔɛi, má dimul ndu aa: «Ɔ́ɔ̀ tɔɔmasale cɔm naa maa a nɔ dí le tosaa nuaa-o?»

Luke 20:2

má ɲuna ndu aa: «Dimul naa, nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Matie 2:3

Masaa Herɔde tueyɔɔ sɔɛi ken, mó voolu nda Yerusalɛmnda kpow.

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»