Matie 20:21 - BII BILA

²¹ Mí Yeesu ɲuna ndu aa: «Yɛɛ nɛ n yeema yɛ?» Mó mulul ndu aa: «Cɛl mì poaa nia ŋiɔnda ha kɔ va icali nɔm ikɛi o masale nɔmnden nin, o pilɛ nɔm o ba kɛndɔɔ coo, o pilɔɔ nɔm o ba mɛllo coo.»

Matie 20:21 Referans Kwoze

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Ɛstɛr 5:3

Mí masaa dimul ndu aa: «Òó Ɛstɛr laa ni! Yɛɛ nɛ yɔŋnun yɛ? Yɛɛ nɛ n yeema yɛ? Hali o va bɛɛ aa masale nilen táláá n yeema ni, i yɔngunin nɔm.»

Matie 18:1

Tuma kon, mí kaandennda sɔɔnguu Yeesu ikɛi, má ɲuna ndu aa: «Nɛ̀ɛ́ hiow yɛ vaa o bɔɔ o masale halataala len nin?»

Condii lisai 110:1

Condii fula o condun David-on nin-nde. Sɔɛi Mɛlɛka dimul Maalii nuu-e co hee ni aa: «Hun mà cal-la o ba kɛndɔɔ coo, mì mal yaamɔaa nɔmnda nɔm o labɛngunin.»

Dɛnnda kiilaa 1:6

Kiilaa va a cuungiannda nɛɛ pilɛ, má ɲuna Yeesu aa: «Maalii, vɛ̀ɛ̀ sisa n co masale Israɛlla mingi o fonda ndɔɔ ni?»

Marke 6:22

Mí cua Herodiade-o luɛi, mó ya. Mí ɲɔɔ hɛnan Herɔde nda vanaa ndɔa o veelu-a. Mí masaa dimul cuaambɔɔ aa: «Piɛi ya ɲɛ n yeema-o, mì ke nɔm ndu.»

Matie 20:32

Mí Yeesu sim, mó veelu nda, mó dimul nda aa: «Yɛɛ niaa yeema yɛ mì tosal niaa?»

1Masaa 3:5

Mí Hala cɔmnun ndu o lɔma sɔlaan nin icɔllo Kabaɔn ndon, mó ɲuna ndu aa: «Piɛi ya ɲɛ n yeema mì ke nɔm-ndo»

Kolɔsea 3:1

Le mɛɛ niaa tendul a Krista latulu yɛ, la nuwviaa dɛnndan coocoo, nɛɛ Krista co icali Hala o ba kɛndɔɔ coo-a.

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

Luke 22:24

O kon kɔɔli, mí sɛɛngianndo can kaandennda tɛɛn. Má va ɲuunianndo aa: «Nɛ̀ɛ́ co yɛ vana bɛndoo naa tɛɛn?»

Luke 19:11

Vannda va sɔɔn mun yaŋnɔnndo, mí Yeesu dimul nda vɛlɛ taloo. Nduyɛ, o va Yerusalɛm macɛlu, a va yiyanndo maa Masale Hala len le va hunɔɔ cɔmnɔn o telen kon.

Luke 18:41

«Yɛɛ n yeema yɛ mì tosal nɔm?» Mó muli aa: «Maalii, tosa mì ce vɛlɛ maa paandu.»

Marke 10:51

Mí Yeesu ɲuna ndu aa: «Yɛɛ n yeema yɛ mì tosal nɔm?» Mí vana sumɛiyo dimul ndu aa: «Vana bɛndoo, tosa mì ce vɛlɛ maa paandu.»

Yeremi 45:5

O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.

Condii lisai 45:9

Cun kɛndɛ mir, cun aloɛs a cun kɛndɛ kas co o domala nɔmnda bɛndulan coo. Diom ɲɛm-caa iyoo co fulaa le nɔm kɔllo nɛŋio o cɛila lemasala nda kɛɛmiaa a ciŋun kamaalan nin.

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

1Masaa 2:19

Mí Bat-Seba kɔa o Salomɔn ndo le ndu diom Adoniya sɔɔ ndu o sondo-o tiiyallo. Masaa cɔu dɔ́ɔ́ kala ndɔ, mó can isisi ɲaali, mó kɔa ndu bɔŋa, mó baŋ vulan ndu o labɛngunin, o kon kɔɔli mó muungu, mó kɔ cal o kpɛŋɛ ndɔ lemasaa coo. Má cuu kala ndɔ kon kpɛŋɛ lemasa celen, má kɛsi ndu po ndɔɔ o ba kɛndɔɔ coo, mó cal lenin.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Matie 20:22

Mí Yeesu mulul ndu aa: «La sínà ɲɛ niaa co piɛiyo-o le. La nɔla pá kolɔɔ a taala kólaa ya co kolɔ̀ɔ̀-o?» Má muli aa: «N nɔla!»