Matie 2:5 - BII BILA

⁵ Má mulul ndu aa: «Bɛtlɛhɛm o tàndá Yuda-o nin. Kani ɲɛ vana-tɛɛngaa-diom Hala-o dimi-o co hoo ni aa:

Matie 2:5 Referans Kwoze

Nsaŋ 7:42

O co o Sɛvaa maa o polale David len, Bɛtlɛhɛm ciee, nɛɛ David va calle-a Krista fulanin ni.

Ruti 1:1

Tuma Masaa kialaa n'yamaa va masalen tosaa o lɛŋnde Israɛl-ten coo-o, mí yima fofolan ma luɛi o lɛŋnden nin. Mí langbanɔ pilɛ can Bɛtlɛhɛm o tàndá Yuda-o nin nda laa ndɔ a poaa ndɔa ŋiɔnda, le kɔlan calle le telen pum o lɛŋnde Moab len nin.

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

Ruti 2:4

O viw bɛɛ ka-ka le, mí Boas pila fula Bɛtlɛhɛm, mó hun. Mó yil vanvalla, mó dimi aa: «La nuvali a vallo! Màá Mɛlɛka lo niaa ikɛi!» Mí vanvalla mulul ndu aa: «Mbaa! Màá Mɛlɛka dɔw nɔm duaa!»

Ruti 4:11

Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

Ruti 1:19

Má kɔa nda ndu latulu háá má tiiya Bɛtlɛhɛm. Ndáà tiiyaa Bɛtlɛhɛm, mí cieo biiŋun kpow le nda. Mí vanlaandua va ɲuunianndo aa: «Vannda sei! O co macoaa Noemi le co hoo le?»

Yosue 19:15

Lan la va vɛlɛ lecoo: Katat, Nahalal, Simrɔn, Yideala a Bɛtlɛhɛm. Faw-faw, kobilan tɔ́ a latiɔn a cieon pɔmbɔn va lan o ba bɛngu-on.

O Kandɔɔ 35:19

Mí Rasɛl vu, má kumbu ndu o nɛi Efrata-o coo, Bɛtlɛhɛm pɛɛn.

Matie 2:1

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm,

Matie 2:4

Mí masaa mɔɔsiaa bolii vanaa-solia-lasálàá kpow a vanaa pɛɛkaa latɔŋnda, mó ɲuna nda nɛɛ Krista ndóò bɛnda le volɔnndo-a.

Masaa kialaa n'yamaa 17:7

Langbanɔ felengoo pum va icali Bɛtlɛhɛm o tàndá Yuda-o nin, leviinɔɔ o va ni.