Matie 2:4 - BII BILA

⁴ Mí masaa mɔɔsiaa bolii vanaa-solia-lasálàá kpow a vanaa pɛɛkaa latɔŋnda, mó ɲuna nda nɛɛ Krista ndóò bɛnda le volɔnndo-a.

Matie 2:4 Referans Kwoze

Dɛnnda kiilaa 23:9

Mí vannda cɔɔlu yonda taw, kɛ mí vanaa pɛɛkaa latɔŋnda pum, a va o kunda Faliisia coo-a can, má sɛɛngiaa, má dimi aa: «N ci ɲɛ-ɲɛ langbanɔɔ ho o tɛɛmbuu le. Bɔɔle ɲinaa, te kon te mɛlɛkanɔɔ soo o ndu lo nuaa ni.»

Dɛnnda kiilaa 6:12

Má luei vannda sɔɔn nin, kaasoŋaa kɔlkalua a vanaa pɛɛkaa latɔŋnda, má kɔ bii Etiɛn, má kɔa a ndu vanaa kialaa n'yamaa lelɛŋnda o hɔl.

Matie 21:23

Mí Yeesu kɔa o Cɛi-Hala-o nin. O lo pɛɛkoo, mí bolii vanaa-solia-lasálàá a kaasoŋaa kɔlkalua lelɛŋnda hun ɲuna ndu aa: «Nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Matie 7:29

Kani kpaaya bɛndoo pila va o pɛɛku ndɔɔ nin ni, o ve maa pɛɛkula vanaa ndaa pɛɛkaa latɔŋnda le.

Dɛnnda kiilaa 4:5

Diimandɔɔ, mí simlacia Yuifia, kaasoŋaa kɔlkalua a vanaa pɛɛkaa latɔŋnda cuungian Yerusalɛm ciee.

Nsaŋ 18:3

O kon, mí Yuda sim vanaa cɔwva a kpalilaa cumulaa bolii vanaa-solia-lasálàá nda Faliisia vem ndua laci, má kɔa lon a tɛngɛlan, a fitinalan a á ɲɛm cɔwvon o laba.

Nsaŋ 8:3

O kon mí vanaa pɛɛkaa latɔŋnda a Faliisia hun a vuɛɛn nda bii o suundaa-o,

Nsaŋ 7:32

Faliisia tueyɔɔ ɲɛ vannda va dimio a ndu o kɔɔ-o, mí bolii vanaa-solia-lasálàá a Faliisia viam kpalilla le ndu kɔlan biyɔɔ.

Nsaŋ 3:10

Mí Yeesu mulul ndu aa: «Nɔm co vana pɛɛkaa tɔ́ɔ́ bɛndoo Israɛl-lo, vɛ̀ɛ̀ a co dɛnndan ndan bila biyɔɔ le?

Luke 23:10

Simlacia vanaa-solia-lasálàá a vanaa pɛɛkaa latɔŋnda va lon, ma va ndu sɔɔn vɔɔn-vɔɔnndon hɛɛndoo coo.

Luke 20:19

Fɔ́ɔ́fɔ̀, mí vanaa sɛvaa latɔŋnda a bolii vanaa-solia-lasálàá can nɛilan nuwviaa le ndu biyɔɔ. Kani má bii bila maa le nda ndóò dimi tale kon ni. Kɛ mí siòònde bii nda a vannda.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

Marke 8:31

O kon kɔɔli, mí Yeesu kandu kaandeŋaa ndɔa dimullo maa fɔ mì Po vanacieo sanga taw, mì vanaa bɛndua lelɛŋnda kɛɛ ndu, mì bolii vanaa-solia-lasálàá a vanaa pɛɛkaa latɔŋnda kɛɛ ndu, mà dii ndu. Palɛi yaa o kon kɔɔli, mò tendu fulaa vanvílɛ́iya tɛɛn.

Matie 27:1

Ɲɔɔ tengaa, mí bolii vanaa-solia-lasálàá a simlacia lelɛŋnda yii diomnden le Yeesu diyɔɔ.

Matie 26:47

Yeesu lo sɔɛi, mí Yuda, vana pilɛ o kaandeŋaa tɔ́ a à ŋiɔnda tɛɛn hun a vannda sɛ́lɛ́ bɛndoo kɔɔli. Mɔɔn cɔwvon a yɔmii bingiei va nda o laba. Bolii vanaa-solia-lasálàá a simlacia lelɛŋnda ndáà vem nda ni.

Matie 26:3

O kon, mí bolii vanaa-solia-lasálàá a simlacia lelɛŋnda cuungian o Kaif lo bɛ́ɛ̀, o va bolle vanaa-solia-lasálàá-o.

Matie 21:15

Kɛ bolle vanaa-solia-lasálàá a vanaa pɛɛkaa latɔŋnda cɔu dɛnnda kɔndɔfilta o tosa lan a mɛɛ cuaambɔa va yoondiaa o Cɛi-Hala-o nin yɛ aa: «Biiloo co le Po David-o», má tambu kɔl.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Condii lisai 2:2

Le yɛɛ masaa lelɛŋnda co yɛ cɔnɔnndo nda simlacia, má va dúmbúlan yiiyo nda ndaa le Mɛlɛka a vana o pɔla-o cɔlɔbaa?

Nehemi 12:7

Sallu, Amɔk, Hilkiya, Yedaya. Haa va simlacia vanaa-solia-lasálàá a puapilɛa ndaa leviia ni.

Ɛsdras 10:5

O kon mí Ɛsdras can, mó dimul simlacia vanaa-solia-lasálàá a leviia a simlacia Israɛlla kpow le mɛnanndo le tosaa mɛɛ Sekania ndóò tuu yɛ. Mí nda kpow a mɛnan.

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

2Dɛnnda lemasalan 36:14

Mí simlacia va vanaa-solia-lasálàá a vannda bollen-nda bɛɛ a luɛinun o pɔwla bɛndu-bɛndulan nin maa mɛɛ vanaa-mangalaa-isɔɔa ndáà tosa dɛnnda nɔɔlɛilan yɛ. Má luɛi dɛnnda lamààlan tosaa o Cɛi-Mɛlɛka-o nin. Cɛi kon yɛ, Mɛlɛka pila ndóò dindi ndu Yerusalɛm le ndu pila ni.

2Dɛnnda lemasalan 34:15

O kon mó dimul Safan vana sɛvaa aa: «I saalun sɛbɛ tɔŋndo o Cɛi-Mɛlɛka-o nin.» Mó yɔngu Safan sɛbɛ kalaa.

2Dɛnnda lemasalan 34:13

Nda va vanaa va baalala yɛ́-yɛ́lan tosaa-a simndan laci ni, leviaa celen va lon vɛlɛ: vanaa sɛvaa, vanaa kùndàá a kpalilaa cumulaa ladioa.

Matie 2:3

Masaa Herɔde tueyɔɔ sɔɛi ken, mó voolu nda Yerusalɛmnda kpow.

Matie 2:5

Má mulul ndu aa: «Bɛtlɛhɛm o tàndá Yuda-o nin. Kani ɲɛ vana-tɛɛngaa-diom Hala-o dimi-o co hoo ni aa: