Matie 2:23 - BII BILA

²³ mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Matie 2:23 Referans Kwoze

Masaa kialaa n'yamaa 13:5

le foli n co hunɔɔ cua-o, a le po nɔm n co hunɔɔ violɔɔ-o. Yiiŋii po kalaa bɛnda mì i kelun te, kani hɔ́ɔ́ kon siŋnunnin teengen le Hala lɔ́ɔ́ pá mó hun violun. Ndu kandunin Israɛlla baŋaa Filistia o ba ni.»

Marke 1:24

«Yɛɛ n yeema yɛ naa yɔŋndo, nɔm Yeesu fula Nasarɛt-o? Le naa ciiyo n hin ni? I sina vana n co-o, O-Diandaa Hala vem-ndo n co ni.»

Matie 26:71

O kon kɔɔli, mó kɔannun a kpengii dio bɛɔ. Mí buɛi laandu celen ca ndu, mó dimul vanaa va lon-nda aa: «Langbanɔɔ ho bɛɛ va Yeesu fula Nasarɛte-o kɔɔli.»

Matie 1:22

Ken kpow tosan haliko mi sɔɛi Mɛlɛka ndóò dimi a sondo vana-tɛɛngaa-diom Hala-o-e peelun aa:

Dɛnnda kiilaa 24:5

N ce maa vana vɔɔn-vɔɔndo langbanɔɔ ho co ni. Ndu co Yuifia co o lɛŋnden coo-a kpow sɔngɔlan mɛlio tɛɛn ni, mò va kunda lekaan Nasaria sɛinun-nda simndan laci.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 19:19

Mí Pilate dimi maa a sɛva o pɛngɛi pɔmbɔɛi pum coo aa: «Yeesu fula Nasarɛt-o, masa Yuifia.»

Nsaŋ 18:7

Mó ɲuna nda vɛlɛ aa: «Nɛ̀ɛ́-nɛ̀ niaa co yɛ nuwviaa?» Má mulul ndu aa: «Yeesu Nasarɛt.»

Nsaŋ 18:5

Má mulul ndu aa: «Yeesu Nasarɛt.» Mó dimul nda aa: «Ya ni!» Yuda va ndu malɔɔ vannda o ba-o va isisi nda ndaa.

Luke 2:39

Lɔ́ɔ́ Yosɛf nda Mari cii sɔɔn tɔŋndon peelu mɛɛ ndóò bɛnda yɛ-o, má muungu o kobi ndaa nin Nasarɛt, o tàndá Kalile-o nin.

Luke 1:26

O paangii ŋɔmpumndɔɛi, mí Hala viam mɛlɛkanɔɔ Kabriɛl o kobio pum nin diolan Nasarɛt, o tàndá Kalile-o nin,

Kundalan 6:13

Tɔŋndo co hoo le vana solin ndu pila sálà-o ni: paale palɛi o kelu le ndu pila sálàá solinndo le Mɛlɛka-e cuunin-nden, a bɛnda mà hin a ndu o cɛi-kola-toandaa-labɔɔŋianndo sondoo,

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Marke 1:9

O telen kon, mí Yeesu can Nasarɛt o tàndá Kalile-o nin, mó hun. Mí Nsaŋ yin ndu Yurdɛn o peelo.

Luke 18:37

Má dimul ndu maa Yeesu Nasarɛt co hiovɔɔ ni.