Matie 2:22 - BII BILA

²² Kɛ ndóò tueyɔɔ maa Arkelaus va masaa o tàndá Yuda-o coo, o fonda Herɔde fuɲa ndɔ-o ni, mí siòònde bii ndu le muungoo lon. Mí Hala soaa vɛlɛ o ndu lo o lɔma sɔlaan nin, mó kɔa o tàndá Kalile-o nin,

Matie 2:22 Referans Kwoze

Luke 2:39

Lɔ́ɔ́ Yosɛf nda Mari cii sɔɔn tɔŋndon peelu mɛɛ ndóò bɛnda yɛ-o, má muungu o kobi ndaa nin Nasarɛt, o tàndá Kalile-o nin.

Nsaŋ 7:52

Má mulul ndu aa: «Mò va maa nɔm bɛɛ Kalile n fula ni? Yaasiaa ɲɛkɛndɛi, a canin maa vana-tɛɛngaa-diom Hala fula Kalile le.»

Matie 3:13

O kon, mí Yeesu can Kalile, mó hun Yurdɛn o peelo nɛɛ Nsaŋ va-a, haliko mi Nsaŋ ndóò yin ndu.

Matie 2:19

O piɔ́m Herɔde-o kɔɔli, mí mɛlɛkanɔ Hala-o fulal Yosɛf o lɔma sɔlaan nin Esipte,

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Esai 30:21

Nila niaalan la tuɛinin diomndo dimio niaa kɔɔli telen niaa yeemanin le kɔlan o ba kɛndɔɔ coo te kon te o ba mɛllo coo-o aa: «La tofa vɔ nɛiyo, la kɔ lecoo!»

Condii lisai 121:8

O mandanin nɔm o kɔlan, mo manda nɔm o muungoo, kandɔɔ sunsun háá le fɛɛn a fɛɛn.

Condii lisai 73:24

A co ya nɛiyo a silalan mɛɛ n yeema yɛ. Handɔɔ o kon coo, a lueinin ya o biilu nɔmndo nin.

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

1Samiɛl 16:2

Mí Samiɛl ɲuna aa: «Vɛ̀ɛ̀ ya looku yɛnin lakɔ? Te Saul tuei pɛ maa i kɔɛ lon, o dii ya.» Mí Mɛlɛka dimi aa: «Te a va pɛ kɔlan, a bii naw téndóó, a kɔɛ a ndu, a kɔ dimi aa: ‹Mɛlɛka ya hin sálàá solul ni›.

Matie 2:1

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm,

Matie 2:21

Mí Yosɛf can, mó cua poombɔɔ a kala ndɔ, má muungu o lɛŋnde Israɛl-ten nin.