Matie 2:2 - BII BILA

² má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Matie 2:2 Referans Kwoze

Kundalan 24:17

I ce ɲɛ co hunɔɔ yɔŋnɔn-ndo, kɛ o co vɔ́ le hau le. I co ndu mɛɛndanndo, kɛ o co vɔ kpɛɛlun te. Loei tengɛi fula o cuavaa Yakɔb-a nin, Tinda lemasaa fula o cuavaa Israɛl-la tɛɛn. Tinda kon soŋ yungoo Moab kpaŋun miunndon. O lɔɔ cuavaa-imamaa Sɛt-a kpow kpokpolan.

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Esai 60:3

Vanaa-mangalaa-isɔɔa kɔanin ɲɛ-tengaa nɔmndo kɔɔli, mì masaa kɔɛ pangele ɲɛ-tengaa paale siaa nɔmndo kɔɔli.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Hebreea 1:6

O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

Luke 23:38

Sɛvaa pum va ndu o bollen coo aa: «Hoo co masa Yuifia ni».

Luke 23:3

Mí Pilate ɲuna ndu aa: «Nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Luke 19:38

Má va dimio aa: «Biiloo co le masa co hunɔɔ o diola Mɛlɛka lan-ndo! Màá kɔlɲuloo va o halataala, mì biiloo va coocoo pɔ́!»

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Yeremi 30:9

Ya Mɛlɛka Hala ndaa, a David masa ya kenin nda-o nda tosalnin baalaa ni.

Condii lisai 45:11

Nɔm cua sei! Tofa vɔ, yaŋ-ndɔ nilan. Pɔɛɛnun vanaa nɔmnda a yungu fuɲa nɔmndo.

Nsaŋ 9:38

Mó dimi aa: «I laalan, Maalii». O kon, mó baŋ vulan Yeesu o labɛngunin.

Nsaŋ 19:19

Mí Pilate dimi maa a sɛva o pɛngɛi pɔmbɔɛi pum coo aa: «Yeesu fula Nasarɛt-o, masa Yuifia.»

Nsaŋ 12:13

mí nda kpow a bii siɔ̀ɔ́la vawlan o laba, má kɔa ndu bɔŋaa a yoondiaalan aa: «Biiloo co le Hala! Biiloo co le vana co hunɔɔ o diola Mɛlɛka lan-ndo, masa Israɛlla pɛɛn!»

Matie 27:11

Má kɔa a Yeesu o Pilate, masa ibungaa lo, mó ɲuna ndu aa: «Vɛ̀ɛ̀ nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Nsaŋ 20:28

Mí Tomas mulul ndu aa: «Maalii nuu a Hala nuu!»

Matie 21:5

«La dimul vannda Siɔn aa: ‹La tofa vɔ masa niaa hunɔɔ o niaa lo. O co vana kɛndɛ bɛndu. O co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.›»

Matie 2:3

Masaa Herɔde tueyɔɔ sɔɛi ken, mó voolu nda Yerusalɛmnda kpow.