Matie 2:18 - BII BILA

¹⁸ «Yéélan la co sɔɛi Rama, Koŋullo a caŋnda fúkpàà-fùkpààlan la co sɔɛi lon, Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

Matie 2:18 Referans Kwoze

Yeremi 31:15

O Mɛlɛka dimi-o co hoo ni aa: «Yéélan la co sɔɛi Rama. Koŋullo a caŋnda fúkpàà-fùkpààlan la co sɔɛi lon. Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Esekiɛl 2:10

Mó timbi sɛbɛ simbulaa kon ya o hɔl, o va o sɛvaa lenin a lekɔɔli. Cɛɛŋɔnndan, ŋɔɔcianndan a somisominndan la va lasɛvaa lecoo ni.

O Kandɔɔ 37:30

Mó kɔa o pɔmbɔa ndɔa lo, mó ɲuna nda aa: «Poombɔɔ co lɛhau o soondo nin te, kuɛɛ ya co yɛ lakɔ a hee?»

Dɛnnda cɔɔmuanndan 8:13

Mí mɛɛndan, mí tuɛi kovɛɔ cɔnɔnndo coocoo o halataalaa tɛɛn, mó va yondaa coocoo aa: «Dɛnɛ palaa, dɛnɛ palaa, dɛnɛ palaa co vanndacieea co o lɛŋnden coo-a cum, telen mɛlɛkaa yáá-a hɔŋnin bulula ndalan-ndo pɛɛn.»

SƐBƐ YƆB-O 14:10

Kɛ vanacieo ndu, o vi pɛ yoomuma ndɔan ma cuu. O malnun pɛ kɔl, yɛɛ o siŋnun yɛ lɛ̀?

O Kandɔɔ 42:36

Mí Yakɔb dimul nda aa: «La yeema mì de poaa niaa tɔnɔ le? Yosɛf co lɛ le, Simeɔn bɛɛ lo o lekáá. Bàà la yeema vɛlɛ mì la puu ya Bɛnyamɛn o ba? Nduyɛ, ya niaa co mɔnɛi lueiyo nuaa ni.»

Matie 2:17

O kon mí sɔɛi Yeremi vana-tɛɛngaa-diom Hala-o dimi-e i peelun aa:

Luke 8:52

Vannda kpow a va caŋndo mí mɔnɛi i va nda taw le cuaambɔ ndóò vi kon-ndo. Mí Yeesu kpaa nda aa: «La caŋ te, o vi le, o lɔan o co ni.»