Matie 2:16 - BII BILA

¹⁶ Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Matie 2:16 Referans Kwoze

Esai 59:7

Peelun ndan co kiltan le dɛnɛ vɔɔndo tosaa, a co keleŋaa le kɔlan vanaa tɛɛmbuu isɔɔ le-a diwvo. Yiyannda ndalan kpow la sendu le. Dɛnɛ tambɛiyo a ɲɛm tambɛiyon co o nɛila ndalan coo.

Talelan 28:15

Simlacinɔ kɔlvesɛi co masalen tosaa vanaa bala fondoa coo-o co ko maa yàlá co kuuliaa-o, maa kɔ́lɔ́vúlu co nin le ɲɛ kpuva-o.

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Osee 10:14

Lelan, vɔkɔ-vɔkɔ bɛndu-bɛndoo tosannin vanaa niaa tɛɛn, mì kobila mayoomula niaalan kpow la piɔsipiɔsi mɛɛ Salman pesi Bɛt-Arbɛl o paale cɔwlen coo yɛ. Paale len, mó vɔɔciaa kalaa a cuavaa ndɔa latulu.

Daniɛl 3:13

O kon, mí masaa tuulu kɔl taw-taw, mó viam vannda le hunɔɔ a Sadrak, Mesak a Abɛd-Neko. Má hun a nda o ndu lo.

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

2Masaa 8:12

Mí Hasaɛl ɲuna ndu aa: «Le yɛɛ n co yɛ caŋndo, vana ni bɛndoo?» Mí Elise muli aa: «Kani i sina dɛnɛ vɔɔn n tosalnin Israɛlla-o, a luminin kobila ndala co o kpakilan nin-ndan, ma diw langbaa felengia ndaa a mɔɛi cɔwve, ma ciimiaa cuaambɔa ndaa pɔmbɔa, ma tɛɛndiaa laandaa ndaa vanin a folilan-nda dembelan.»

Masaa kialaa n'yamaa 16:10

Mí Dalila dimul Samsɔn aa: «Huiyo n hui ya ni, ma dimul-la còòlan. Kɛ dimul-la nihau toɲaa mɛɛ vana looku mì vana yii nɔm yɛ.»

O Kandɔɔ 49:7

Dangaa co o kɔl nda tuw nɔ iɲíí loo a o kela nda kɔlvesɛi bɛndoo coo. I co nda sɛŋi o lɛŋnde Yakɔb len nin, mì saŋ nda o lɛŋnde Israɛl-ten nin fásàn.

Talelan 28:17

Vana dii vanacieo-vo lonin kiltan háá mò kɔɛ o sɛi ndɔ ndu pila-o. Vana-vana bɛnda mò simi ndu le.

SƐBƐ YƆB-O 12:4

Kpòkóó, i co koŋullo o Hala lo le mulio sɔlaa ndu o ba, kɛ o koŋul kon nin, i siŋnun ɲɛ mamaa caaŋaa nia o sondo fɔ́! Ya vana sandaa, ya tɛɛmbuu hoo isɔɔ loo kɛi dɛ!

Kundalan 24:10

O kon, mí Balak tuulu kɔl a Balaam, mó koaŋ bala ndɔlan, mó dimul ndu aa: «Le yaamɔaa nia dangaa dɔvɔɔ ya yoongu nɔm ni. Kɛ mí nɔm dɔaw nda duaa háá bɛmbɛ leyáá.

Kundalan 22:29

Mí Balaam mulul ndu aa: «Kani tɛɛndanndo n tɛɛndan ya ni. Te yáà nɔ pɛ mɔɛi cɔwve o ba, o foofo nanu ya va nɔm diyɔɔ ni.»

O Kandɔɔ 39:17

Mó downun ndu kona, mó dimi aa: «Cɛ Hebreenɔ n pendu hoo má cuu naa ndu-o hin ma hunaa le naa bɛ̀ɛ̀lan tɛɛmbuuo. O hun kpuva ya le hinilan a ya.

O Kandɔɔ 39:14

mó yonda coocoo, mó veelu vanaa va nda o ba cɛinin-nda, mó dimul nda aa: «La ce dɛnɛ nɛ vannda! A cuu naa Hebreenɔɔ le naa bɛ̀ɛ̀lan tɛɛmbuuo. Kpuvaa o hun kpuva ya ni le hinilan a ya, kɛ mí yonda coocoo.

Matie 2:1

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm,

Matie 2:7

O kon mí Herɔde veelu vanaa kɔlkalua sina kan loeon kɔlɔɔ-a o vionnɔnndo nin, mó ɲuna nda telen loei ndíì fula kpeekpei-yo.

Matie 2:17

O kon mí sɔɛi Yeremi vana-tɛɛngaa-diom Hala-o dimi-e i peelun aa:

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.