Matie 2:15 - BII BILA

¹⁵ Mó kɔ lo lon háá mí Herɔde vu. Ken tosan haliko mi o Mɛlɛka ndóò dimi a sondo vana-tɛɛngaa-diom Hala-o-o ndóò peelun aa: «Mí veelu po nuu, mó faŋan Esipte.»

Matie 2:15 Referans Kwoze

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.

Fulaa 4:22

O kon, a dimul ndu aa: ‹Mɛlɛka dimi aa: po ni tasoo, ndu co Israɛl ni.

Kundalan 24:8

Mɛɛ Hala soli nda Esipte a kpaayaa maa kpaaya cìí, má kei vanaa simul nda-a diw, má yimi nda paalan, má cɛɛluu nda a kɔɔn.

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Matie 1:22

Ken kpow tosan haliko mi sɔɛi Mɛlɛka ndóò dimi a sondo vana-tɛɛngaa-diom Hala-o-e peelun aa:

Matie 26:54

Kɛ te i tosa pɛ lende, vɛ̀ɛ̀ ɲɛ sɛvan o Sɛbɛ Hala-o nin-ndo peelun yɛnin? Kani o co o sɛvaa maa lende i bɛnda le tosan-ndo ni.»

Matie 21:4

Dɛnɛ kon yɔŋnun haliko mi sɔɛi vana-tɛɛngaa-diom Hala-o dimi-e peelun aa:

Matie 8:17

O kon mí sɔɛi Esai vana-tɛɛngaa-diom Hala-o dimi-e peelun aa: «O cua namtale naalen, mó siilun nààla naalan.»

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Matie 2:19

O piɔ́m Herɔde-o kɔɔli, mí mɛlɛkanɔ Hala-o fulal Yosɛf o lɔma sɔlaan nin Esipte,

Matie 2:17

O kon mí sɔɛi Yeremi vana-tɛɛngaa-diom Hala-o dimi-e i peelun aa:

Nsaŋ 19:36

Ken yɔŋnun, haliko mi sɔɛi co o Sɛbɛ Hala-o nin-nde peelun aa: «Paa ndɔɔ pilɛ bɛɛ yomnin te.»

Nsaŋ 19:28

O kon kɔɔli, mɛɛ Yeesu sina maa o cii baala ndɔɔ kpow, mó dimi aa: «Kolɔɔ bii ya.» Haliko mi ɲɛ Sɛbɛ Hala-o dimi-o peelun.

Matie 26:56

Kɛ hee kpede tosan, haliko mi sɔɔn vanaa-tɛɛngaa-diom Hala-an sɛvan-ndon peelun.» O kon mí kaandennda kpow mal ndu, má sɔɔndian.

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.

Matie 27:35

Ndáà ciiyo ndu baŋɔɔ o yɔm singafilaa coo, má mal siondei le volɔɔla ndɔlan piɔvanndo.

Matie 2:14

Mí Yosɛf can icɔllo, mó cua cɛlɛkpɔɔ nda kala ndɔ, mó kɔ viannun a nda Esipte.