Matie 2:13 - BII BILA

¹³ Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

Matie 2:13 Referans Kwoze

Dɛnnda kiilaa 12:11

O kon mí Piɛr sina ɲɛ yɔŋnun ndu-o, mó dimi aa: «I sina nihau maa toɲaa ni: Hala vem mɛlɛkanɔ ndɔɔ le ya solio o kpaaya Herɔde-o a ɲɛ Yuifia kpow ndáà nɔ o lakɔl le ya tosallo-o bɛngu ni.»

Dɛnnda kiilaa 10:7

Mɛlɛkanɔ soo kon o ndu lo-o kɔnndan, mí Kɔrnɛil veelu buɛyaa ndɔa nda ŋiɔn a vana cɔw óò vo Hala mó va baalaa tosaa ndu o ba bɛngu-o.

Dɛnnda kiilaa 5:19

Kɛ icɔllo, mí mɛlɛkanɔ Maalii-o kumbi diola luɛyaala cɛi kaaso kalaa, mó soli nda, mó dimul nda aa:

Matie 2:12

O kon kɔɔli, mí Hala dimul nda o lɔma sɔlaan nin maa a muungu lɛ Herɔde o ibuŋ te. Le hee, má keinun a nɛi celen, má muungun o lɛŋnde ndalen nin.

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Fulaa 1:22

O kon mí Faraɔnnɔɔ yii tɔŋndo o lɛŋnde ndɔlen nin kpow aa: «Te vanalanɔ Hebreenɔɔ velu nin pɛ hɔ́ɔ̀, o va pɛ o piaandoo, la kɔ viow ndu o pee bɛndoo Nil, kɛ te o va pɛ cɛlɛkpɛ laandoo o velu ni, la mɛi ndu yoomu.»

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

SƐBƐ YƆB-O 33:15

O soaa o lɔma sɔlaan nin, o vundulen nin icɔl. Tuma vanndacieea hiawnun o lɔan cundun, mà vi diallon pɛ́ o kpelela ndalan coo-o.

SƐBƐ YƆB-O 33:17

le nda faŋaa o nɛila dɛnnda vɔɔnndan coo, a le nda kandaa a dɛnnda kuundianndan.

Yosue 4:18

Vanaa-solia-lasálàá kesu kpemaa va o lacongú-a solio dɔ́ɔ́ pelon o peelo le helɔɔ o kɔngɔ, mí mɛnndan Yurdɛn ma muungu o fonda ndɔɔ, mí ma muungu hiovɔɔ mɛɛ máà dema hiovɔɔ yɛ.

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Dɛnnda kiilaa 16:36

Mí kpalilnɔ kon kɔ dimul Pol sɔɛi ken aa: «Simlacia lelɛŋnda vem vannda o ya lo maa ya mal niaa. Lelan, la tiwba mi la kɔɛnnun. La kɔ va kɛndɛ!»

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Dɛnnda kiilaa 7:19

Mí masa kon pala fuɲaa naa mamaa, mó saangiaa nda saangiaa pila, mó baŋ nda le cɛlɛkpɛa ndaa viovɔɔ, haliko ma vi.

Matie 10:23

Te vannda tol pɛ niaa yɛlen o kobio pum nin, la ɲaanun mì la kɔɛnnun o kobi celen nin. Mì dimul niaa toɲaa, la ciinin kobila co o lɛŋnde Israɛl-ten nin-ndan balɔɔ le, mì Po vanacieo hin.»

Yosue 3:17

Tuma Israɛlla kpow a va kon taŋɔɔ a pelon n'vesɛi sɛ́ɛ́n-ndo, vanaa-solia-lasálàá va kɔlan a kesu kpema Mɛlɛka-o-a va isisi Yurdɛn o peo kɔllo, lɛŋnden le vannun levesɛi sɛ́ɛ́n, a lo isisi lon háá mí vannda kpow a cuu taŋɔɔ.

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Yosue 4:10

Mí vanaa-solia-lasálàá vá kɔlan a kesu kpemaa-a lo isisi o pee kɔ́llo lon háá mí vannda cii ɲɛ Mɛlɛka ndóò dimul Yosue le vannda tɛɛngullo-o tosa, maa mɛɛ Moise ndóò dimul Yosue yɛ. O kon kɔɔli, mí vannda keleŋa taŋɔɔ cɔ́-cɔ́.

Yosue 3:13

Vanaa-solia-lasálàá co kɔlan a kesu kpema Mɛlɛka, Maalii co lɛŋnden kpow bollen-ndo-a pila dɔ́ɔ́ pɛ pelei Yurdɛn o peelo, mɛnndan ma kiolunin tɛɛn, mì ma co tolɔɔ fulaa a luaŋ-ndan ma sim mí ma cuungian maa mɛɛ vana kanda mamɛn.»

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.

Matie 2:22

Kɛ ndóò tueyɔɔ maa Arkelaus va masaa o tàndá Yuda-o coo, o fonda Herɔde fuɲa ndɔ-o ni, mí siòònde bii ndu le muungoo lon. Mí Hala soaa vɛlɛ o ndu lo o lɔma sɔlaan nin, mó kɔa o tàndá Kalile-o nin,

1Masaa 3:5

Mí Hala cɔmnun ndu o lɔma sɔlaan nin icɔllo Kabaɔn ndon, mó ɲuna ndu aa: «Piɛi ya ɲɛ n yeema mì ke nɔm-ndo»

Matie 2:14

Mí Yosɛf can icɔllo, mó cua cɛlɛkpɔɔ nda kala ndɔ, mó kɔ viannun a nda Esipte.

Dɛnnda kiilaa 12:7

mí mɛlɛkanɔ Hala-o fula o lepilɔɔ, mí ɲɛ-tengaa pia o cɛi kaaso kon nin. Mí mɛlɛkanɔɔ pilan Piɛr congoo, mó tindi ndu, mó dimul ndu aa: «Keleŋa cɔnɔn!» O kon mí yɔlɔn va ndu o ba-on n deli.

1Masaa 11:17

Kɛ mí Hadad ndóò sɔndan, mí ndóò ɲaanun Esipte a Edɔmaa va buɛyaa fuɲa ndɔa-a. Telen kon yɛ, Hadad vannun ndɔ felengi pɔmbɔ.