Matie 2:12 - BII BILA

¹² O kon kɔɔli, mí Hala dimul nda o lɔma sɔlaan nin maa a muungu lɛ Herɔde o ibuŋ te. Le hee, má keinun a nɛi celen, má muungun o lɛŋnde ndalen nin.

Matie 2:12 Referans Kwoze

Matie 2:22

Kɛ ndóò tueyɔɔ maa Arkelaus va masaa o tàndá Yuda-o coo, o fonda Herɔde fuɲa ndɔ-o ni, mí siòònde bii ndu le muungoo lon. Mí Hala soaa vɛlɛ o ndu lo o lɔma sɔlaan nin, mó kɔa o tàndá Kalile-o nin,

Matie 2:19

O piɔ́m Herɔde-o kɔɔli, mí mɛlɛkanɔ Hala-o fulal Yosɛf o lɔma sɔlaan nin Esipte,

Matie 2:13

Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

Matie 27:19

Pilate lo icali o fonda kialaa n'yamaa, mí laa ndɔ viam kiilaa le ndu dimullo aa: «Vow balan o sɔɛi langbanɔ tɛɛmbuu hoo isɔɔ loo nin te, kani i sanga cɛi-cɔl taw o lɔma sɔlaan nin le ndu.»

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Fulaa 1:17

Kɛ le mɛɛ sokoa-vialaa kan ndáà nɔ siòòŋii Hala-e yɛ, a ve tosa mɛɛ masaa Esipte ndóò dimul nda yɛ le, a ve cɛlɛkpɛa piaandua diyɔɔ le.

O Kandɔɔ 31:24

Kɛ icɔllo, mí Hala hun soaa o Laban Aramiinɔ lo o lɔma sɔlaan nin, mó dimul ndu aa: «Caa dɛ! Dimul Yakɔb ɲɛ-ɲɛ le, o va sɔɛi kɛndɛ o va sɔɛi vɔɔn.»

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

Luke 2:26

Hala Kɔl-Diandaa kon ndóò cii nin ndu cɔm maa: «O vi le, fɔ mo ce Krista, o Mɛlɛka vem-ndo.»

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Hebreea 8:5

Vanaa-solia-lasálàà kan co vali kon tosaa o Cɛi-Hala-o nin. Kɛ vali nda co kon tosaa-o co macoaa maa vundule ɲɛ co tosanndo o halataala-o. Kani hali telen Moise va cɛi-kola-toandaa tangullo-o, mí Hala dimul ndu aa: «Toosiaa ndu ɲɛkɛndɛi mɛɛ ya tuulul nɔm ndu o pembei coo yɛ kpafii.»