Matie 2:11 - BII BILA

¹¹ Má luɛi cɛinin, má ca cɛlɛkpɔɔ nda Mari kala ndɔ, má baŋ vulan, má biilu ndu. O kon kɔɔli, má kumbi volɔɔla ndalan, má ke ndu ɲɛm ndáà yoo ndu-on: sianion, ansan a mir.

Matie 2:11 Referans Kwoze

Esai 60:6

ɲɔɔmɛɛa sɛ́lɛ́ bɛndoo kumbunin lɛŋnden kpow, ɲɔɔmɛaa téndéa Madian a ɲɔɔmɛɛa Efa a pianin o lɛŋnde nɔmnden coo ca. Kan kpow a cannin Saba mà hin (o nɔm ndo), a hunnin a sianion a ansan, a kelanin a Mɛlɛka lisaa nɛɛ-nɛɛ ka.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Luke 2:16

Má kɔa cɔ́-cɔ́, má komal Mari, Yosɛf a cɛlɛkpɔɔ o yambaa nɛɛ nda dow cɔlua billo-a.

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Condii lisai 72:15

Màá o viow yoomu, mì sianion Saba n yɔngun ndu! Màá vannda va Hala piɛiyo le ndu, ma va ndu duaa dɔvɔɔ telen oo telen!

1Masaa 10:2

Mó can, mó dovi ɲɛm cun kɛndɔn, sianion taw a powta báà kàlà-kálàlan ɲɔɔmɛɛa o lakɔɔ, mó cua vɛlɛ buɛyaa ndɔa sɛ́lɔ́ɔ́ taw, mó kɔa a nda kɔɔli Yerusalɛm. Mɛɛ o tiiya o Salomɔn ndo, mó ɲuuniaa ndu sɔɔn ndóò nɔ o kɔl le ndu ɲuuniaa-on kpow.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Matie 14:33

Mí vanaa va o dɛ̀ndɔ̀ɔ́ nin-nda baŋ vulan Yeesu o labɛngunin, má dimi aa: «Po Hala-o lekɛ́ndɛi n co ni.»

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Luke 2:38

Telen Simeɔn va kon lon-ndo, mí Anɛɛ hun, mó mel Hala balika. Mó dimul vanaa va cumndo mì Hala ndóò baŋa Yerusalɛm-nda sɔɔn a poombɔ kon o kɔɔ.

1Samiɛl 10:27

Kɛ diɔmnda pum va Saul pɛɛsaa, má va dimio aa: «Bɔ! Vɛɛ nɛ hoo nɔla yɛnin naa baŋa?» A ke ndu ɲɛ-ɲɛ le. Kɛ Saul ve nda sondo vowlul te.

Kundalan 7:86

Lusul taala kólaa nda cɔw a sianion-ndo o pilɛ va kalamulan kɛmɛ a tɔ́, o piaa cá a ansan. O nda yɔngu kpow-vo va le sianion kilolan tɔ́ a layàá a kalamulan kɛmɛ lediin.

Tɔŋ lasálàá 6:15

O poaa Aarɔn-nda tɛɛn, vana sɔlanin pɔlaa le siŋnɔnndo bolle vanaa-solia-lasálàá maa Aarɔn fuɲa nda-o, ndu bɛnda le sálà kon solio ni. Silaa co hoo le niaa le fɛɛn a fɛɛn ni. Sálà ɲɛm vaa kon bɛnda mò ŋɔɛ kpow le ya Mɛlɛka.

Fulaa 30:34

Mí Mɛlɛka dimul vɛlɛ Moise aa: «Nuwviaa ɲɛm nɔ cun kɛndɔɔ-on: staktee, pow onikse a kalbanɔm, ma cua ansan yukuyukoo a ɲɛm mun kpen-kpen,

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Condii lisai 45:8

A kaola dɛnɛ sandaa mí kɔlvesɛiyo nɛinun nɔm. Le hee Hala nɔmndo pɔla nɔm ni, mó suu nɔm cuɛima kɔlkɛndɛan, ma hɛnan ndu hiovɔɔ caaŋaa nɔmnda coo.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

1Masaa 10:10

O kon, mó cua sianion kilolan vàálan tan yáá a kɛmɛ leŋuɛɛnu, cuɛima cun kɛndɛan taw a powta báà kàlàlan, mó ke masaa. Kabi paale len, vana hin-ndɛ a cuɛima súú vaa lende o lɛŋnde Israɛl-ten nin maa ma masa laandoo Saba yɔngu ɲinkon Salomɔn-ndan te.

Fulaa 30:23

«Nuwviaa ɲɛm cun kɛndɛ-kɛndɔn: mir landenndo kilolan laŋuɛɛnu, kanɛl cun kɛndɔɔ kilolan latiɔn a tálá, sinanɔm kilolan latiɔn a tálá,

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Matie 1:18

Tofa vɔ mɛɛ dɛnɛ violɔn Yeesu Krista-o yɔŋnun yɛ. Yosɛf ndóò fula Mari kala ndɔ kɔɔli le ndu cuaa o nɔ̀u nin ni, kɛ lɔ́ɔ́ pá mí Yosɛf sina ndu vanalanɔ, mó cua folio a kpaaya Hala Kɔl-Diandaa.

Matie 2:10

Ndáà cɔu mí loei sim, má dɔawnun ɲaale taw.

Matie 12:46

Yeesu va vɔ sɔɛi o sɛ́lɔ́ɔ́ lo, mí kala ndɔ a pɔmbɔa ndɔa hun sim o dio. Ndáà yeema le ndu cɔu.

Nsaŋ 19:39

Mí Nikodɛm ndóò kɔɛ o Yeesu lo icɔllo-o bɛɛ kɔa a ɲɛm cun kɛndɔn le kilolan beleyaa, mirt a aloɛs pɛɛn.