Matie 19:9 - BII BILA

⁹ Kɛ i co niaa dimul, vana-vana kɛɛ pɛ laa ndɔ, te o co yɛ le dɛnɛ suundɛi vanalanɔ kon te, mò cua lanɔ celen, mɛɛ vana kon ndu suunda.»

Matie 19:9 Referans Kwoze

Matie 5:32

Kɛ ya, i co niaa dimul: vana-vana kɛɛ pɛ laa ndɔ, te o co yɛ mò suunda le, ndu vem laa ndɔ kon suundaa. Vana cua yɛ pɛ vanalanɔ kɛyan nda pɔnɔ ndɔ-o o nɔ̀u nin, mɛɛ vana kon suunda.»

Luke 16:18

Vana-vana kɛɛ pɛ laa ndɔ, mò yil o celen o nɔ̀u nin, mɛɛ o suunda. Vana-vana yil vɛlɛ pɛ vanalanɔ pɔnɔ ndɔ kɛɛ-o o nɔ̀u nin, mɛɛ ndu bɛɛ, o suunda.»

1Korɛntea 7:39

Vanalanɔɔ bɛnda mò va o yiinan a pɔnɔ ndɔ telen pɔnɔ ndɔ co vɔ yoomu-o. Kɛ te pɔnɔ ndɔ vi pɛ, mɛɛ o tiwnin ba mò cal o nɔ celen nda vana o yeema-o, kɛ fɔ mò va vana Hala-o.

1Korɛntea 5:1

Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

O Kandɔɔ 20:3

Kɛ mí Hala hun o Abimelɛk lo icɔllo o lɔma sɔlaan nin, mó dimul ndu aa: «A co piɔ́mndo sɔla le lanɔ n cua hoo-o, kani o nɔ̀u o co ni.»

Esekiɛl 16:29

Má mulin má suunda vɛlɛ a lɛŋnde Kanaan-nden, kɛ a ken kpdede, a sanga vɛlɛ a suundaa le.

Esekiɛl 16:15

Kɛ nɔm yɛ, má puulun naŋɔɔ nɔmndo a tɔ́ɔ́ n kela-o, má luɛi laasianndo a suundaa. Má lɔngɔliaa vana-vana va keiyo lon a suunda nɔmndo, má yɔngun nda kpow.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

1Korɛntea 7:4

Vanalanɔɔ nɔ kpaaya dialun ndɔn ndu pilan coo ndu pilɛ le, pɔnɔ ndɔ bɛɛ. Lende vɛlɛ koni ni, vanapɔnɔɔ nɔ kpaaya dialun ndɔn ndu pilan coo ndu pilɛ le, laa ndɔ bɛɛ.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

2Dɛnnda lemasalan 21:11

Mí Yoram cɔaw vɛlɛ tombun soolan o pembon Yuda coo. Mó tosa mí vannda Yerusalɛm a vannda Yuda a luɛi o laasianndo.

Matie 19:8

Mí Yeesu muli aa: «Le nila kalula niaalan Moise cɛl ni mì la kɛɛ laandaa niaa. Kɛ o tasendɔ, o co lende le i va le.

Matie 19:10

Mí kaandeŋaa ndɔa dimul ndu aa: «Te lende i kelun vanapɔnɔɔ coo le laa ndɔ ni, mɛɛ o co fisa hali mì vana cua lanɔ le.»