Matie 19:8 - BII BILA

⁸ Mí Yeesu muli aa: «Le nila kalula niaalan Moise cɛl ni mì la kɛɛ laandaa niaa. Kɛ o tasendɔ, o co lende le i va le.

Matie 19:8 Referans Kwoze

O Kandɔɔ 2:24

Lelan, vanapɔnɔɔ faŋannin fuɲa ndɔ a kala ndɔ, mò holnun laa ndɔ, mà siŋnun dialii pilɛi nda ŋiɔn.

Marke 10:5

Mí Yeesu ndu dimul nda aa: «Le nila kalula niaalan Moise sɛval niaa lende ni.

Sakari 7:12

Má mingi kɔlta ndalan lakàlà-kálà maa idiaman, yɔŋii ndáà yaŋ nilan o tɔŋndo a o sɔɔn Mɛlɛka-Nɔ-Kpaayaa-Kpow-vo dimul nda a kɔl ndɔɔ a sondola vanaa-tɛɛngaa-diom Hala-a lɔ́ɔ́ kon-ndon. Lelan, mí Mɛlɛka-Nɔ-Kpaayaa-Kpow-vo tuulu kɔl a nda taw-taw.

1Korɛntea 7:6

Ɲɛ niaa bɛnda le tosaa-o ya co dimio ho ni, kɛ o co kangalan te.

Matie 8:31

mí ɲinaa vɔɔŋaa kan a ɲɔɔlu Yeesu aa: «Te tovɔɔ n co naa ni, mɛɛ yɔɔ naa mì n kɔ luɛi pevaa kundaa ha tɛɛn.»

Matie 3:15

Mí Yeesu mulul ndu aa: «Cɛl pɔɔ mì i tosan lende, kani lende naa n bɛnda le dɛnɛ sandaa kpow peeloo ni.» O kon mí Nsaŋ cɛl.

Yeremi 6:16

O Mɛlɛka dimi-o co hoo ni aa: «La sim-ndɔ o nɛilan coo mì la mɛɛndian, la ɲuuniaa vɔ le nɛila masindɛlan, ɔ́ɔ̀ o va nɛi kɛndɔɔ-o, la kɔ lecoo, mì la sɔla pɛngio le kɔlta niaalan! Kɛ má muli aa: ‹N kuenin o nɛi kon coo le.›

Condii lisai 95:8

‹La kindi nilan mɛɛ niáà kindi lan Meriba yɛ le, mɛɛ niáà tosa lɔ́ɔ́ kon o lɛŋnde veselɛilen nin Masa yɛ,

O Kandɔɔ 7:7

Mó luɛi o dɛ̀ndɔ̀ɔ́ nin a laa ndɔ, a poaa ndɔa a á laandaa poaa ndɔa, yɔŋii ndáà lo o mɛmma kpundɛma man nin.

Matie 19:7

Mí Faliisia kan ɲuna ndu vɛlɛ aa: «Le yɛɛ nɛ niko mí Moise dimi maa vana va pɛ laa ndɔ kɛɔ, vana kon sɛva sɛbɛ tɛɛmbua nɔu mò yɔngu ndu?»

Matie 19:9

Kɛ i co niaa dimul, vana-vana kɛɛ pɛ laa ndɔ, te o co yɛ le dɛnɛ suundɛi vanalanɔ kon te, mò cua lanɔ celen, mɛɛ vana kon ndu suunda.»

Marke 16:14

O mɛɛlulan, mí Yeesu cɔmnun kaandeŋaa tɔ́ a ò pilɛa telen nda va dioo-o. Mó soaa nda le laalan lepɛŋ ndaa a le nila kalula ndalan, a le tùú nda kɛɛ vanaa ce ndu, telen o muungu yoomu-o laalan-ndo.

1Samiɛl 25:43

David ndóò yil nin Ahinoam Yisrɛeliinɔ o nɔ̀u nin, mí Ahinoam nda Abikail a siŋnun laandaa David-a nda ŋiɔn kpow.