Matie 19:4 - BII BILA

⁴ Mó muli aa: «Vɛ̀ɛ̀ la ci o sɛvaa maa vanapɔnɔɔ nda vanalanɔɔ le Vana cɔw ɲɔɔn-ndo ndóò cɔw o tasendɔ le?

Matie 19:4 Referans Kwoze

O Kandɔɔ 2:23

Mɛɛ vanapɔnɔɔ ce ndu, mó dimi aa: «Ɛ̀ɛ̀ hɛ́ɛ̀! Má cè nihau paa fula o paala nilan nin-ndo a dialii fula o dialun nun nin-nde! O nɔnin diolan aa vanalanɔɔ, kani o falun vanapɔnɔɔ nin o fula ni.»

O Kandɔɔ 1:27

Mí Hala cɔaw vanndacieea a velan ndɔɔ, a velan ndɔ ndu pilaa o cɔw nda ni, vanapɔnɔɔ a vanalanɔɔ o cɔw ni.

O Kandɔɔ 5:2

Vanapɔnɔɔ a vanalanɔɔ o cɔw ni, mó dɔaw nda duaa. Paale o cɔw nda len, mó ke nda diolan aa vanndacieea.

Malasi 2:15

Vɛ̀ɛ̀ o co dialii pilɛi le Mɛlɛka siinguu niaa niaa ndu o kɔllo a o falon nin te? Yɛɛ nɛ vanaciee pilɛ kon yeema yɛ? Vɛ̀ɛ̀ o co le cuavaa Hala yɔngu-a sɔlaa le? Lelan la caa a niaa pila, la hui lanɔ niaa yil o felengiyɛi nin-ndo le.

Luke 10:26

Mí Yeesu mulul ndu aa: «Yɛɛ co yɛ o sɛvaa o tɔŋndo nin? Vɛ̀ɛ̀ n bii yɛ ndu bila?»

O Kandɔɔ 2:18

Mí Mɛlɛka Hala dimi aa: «O niŋ mì vanapɔnɔɔ va ndu pilɛ le. I co ndu vana malaa toosial mò va maa ndu pila.»

Matie 22:31

Le o co a tendul vanvílɛ́iya o kɔɔ-o yɛ, vɛ̀ɛ̀ la ci sɔɛi Hala dimul niaa o Sɛbɛ ndɔɔ nin-nde i sɛvaa le aa:

Matie 12:3

Kɛ mí Yeesu mulul nda aa: «La ci ɲɛ David tosa-o o sɛvaa le, ɲɛ o tosa telen yiaan ma va ndu nɛiyo nda vanaa va ndu kɔɔli-a-o?

Marke 12:26

Le dɛnɛ vanvílɛ́yaa muungoo yoomu yɛ, la ci o sɛvaa o sɛbɛ Moise-o nin ɲɛ Hala dimul ndu o bɔɔ leyinndo ikɛi-yo le aa: ‹Ya co Hala Abraham-ndo ni, Hala Isaak-o a Hala Yakɔb-o.›

Marke 12:10

La ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni?

Marke 2:25

Mí Yeesu mulul nda aa: «Kabi bɛɛ la dimi vɔ o sɛbɔɔ nin, ɲɛ David tosa telen o hawba mí yiaan ma va ndu nɛiyo nda langbaa ndɔa-o le?

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

Luke 6:3

Mí Yeesu mulul nda aa: «Vɛ̀ɛ̀ la dimi vɔ ɲɛ David nda vanaa va ndu kɔɔli-a tosa telen yiaan ma va nda nɛiyo-o o sɛbɔɔ nin te?

Matie 21:6

Mí kaandeŋaa kan kɔa, má kɔ tosa mɛɛ Yeesu ndóò dimul nda yɛ.

2Dɛnnda lemasalan 24:3

Mí Yehoyada yil laandua nda ŋiɔn le Yoas, mí Yoas vialu hɔ́aa piaandua a à laandua.