Matie 19:14 - BII BILA

¹⁴ Mí Yeesu dimi aa: «La mal cuaambɔa pɔmbɔa hunɔɔ o ya lo, la kuuna nda le. Kani le vanaa co maa nda-a masale halataala len le co ni.»

Matie 19:14 Referans Kwoze

Matie 18:3

mó dimi aa: «I co niaa toɲaa dimul, te la mangalan mì la muungu maa cuaambɔa pɔmbɔa le, la lueinin o masale halataala len nin te.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

Masaa kialaa n'yamaa 13:7

Kɛ mó dimul-la aa i co folio cua mi velu poo, aa ya kol mamɔi le, ya kol ɲɛ-ɲɛ bii vana, mò hiŋ vana hɔlla le, ya dia vɛlɛ ɲɛdiaa nɔɔlɛi le. Kani aa po bɛnda mò siŋnun teengen le Hala-o po kon vanin ni, kandɔɔ ya o dembe háá a piɔ́m ndɔɔ.»

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

1Samiɛl 1:24

Lɔ́ɔ́ Anɛɛ soli poo mɛɛlen o sondo-o, má bii naw tova vɔsila yaa-o nda pɔnɔ ndɔ, má cua kpeyanndo bɔlɔɔ pilɛ a mɔiyan hemndo ca, má kɔa a Samiɛl o Cɛi-Mɛlɛka-o nin Silo. O va vɔ o pɔmbɔ-pɔmbɔ má kɔa a ndu.

O Kandɔɔ 21:4

O paale ŋɔmaandɔlen, mó dii ndu tooma mɛɛ Hala dimul ndu le tosaa yɛ.

1Samiɛl 1:22

Kɛ Anɛɛ kue lɛ nda pɔnɔ ndɔ le. Mó dimul pɔnɔ ndɔ aa: «O co fisa mì cum háá mì poo mal mɛɛlen, o kon i kɔɛ niko a ndu Silo, i kɔ yɔngu Mɛlɛka ndu, o lo niko lon le lɔ́ɔ́-lɔ́ɔ̀.»

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Matie 5:10

Dɛnɛ kɛndɔɔ co le vanaa nda co yɛlen tollo le dɛnɛ sandaa-a, kani masale halataala len le co le nda.

Matie 19:15

Mó handu nda balan coo. O kon kɔɔli, mó faŋan o fonda kon.

Marke 10:15

I co niaa toɲaa dimul, vana-vana cɛl masale Hala len maa cuaambɔ pɔmbɔɔ le, ndu luei lenin te few.»