Matie 19:11 - BII BILA

¹¹ Mó mulul nda aa: «O co vannda kpow le a bii sɔɛi ken bila le, fɔ vanaa sinapɛngu kon kennun le sɔɛi ken bilaa biyɔɔ-a.

Matie 19:11 Referans Kwoze

1Korɛntea 7:17

Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

1Korɛntea 7:35

I co niaa hee dimullo, le niaa malaa, o co le niaa baŋɔɔ kangalan te, kɛ le mɛɛ niaa lo kelaa o nɛi toɲaa coo mì la yɔngun kpow o vali Mɛlɛka-o nin ndu pilɛ kpé yɛ.

1Korɛntea 7:2

Kɛ nduyɛ, yɔŋii vana vow balan o dɛnnda nɔɔlɛilan nin, o co fisa mì vanapɔnɔ oo vanapɔnɔ nɔ lanɔɔ o ndɔɔ, nduyɛ mì vanalanɔɔ oo vanalanɔ bɛɛ nɔ pɔnɔɔ o ndɔɔ.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Matie 19:10

Mí kaandeŋaa ndɔa dimul ndu aa: «Te lende i kelun vanapɔnɔɔ coo le laa ndɔ ni, mɛɛ o co fisa hali mì vana cua lanɔ le.»

Matie 19:12

Kɔlɔla kuuna vanapɔnɔɔ lanɔɔ yilɔɔ lan la co yɛ́-yɛ́. Vannda pum, kabi nda fula kalaa ndaa o ladembe, a hin n'vanpiaandu le. A pum nda, vanndacieea dii nda lɛmbɛ. A pum yɛ, nda pila kɛɛ le laandua cuaa ni, le masale Hala len. Vana bii pɛ bila, ndu bii bila!»