Matie 18:9 - BII BILA

⁹ Te hɔlte nɔmnden le co yɛ tosa ni ma del o pɔwlan nin, mɛɛ kala hɔlte len ma viow len polon. Kani o co fisa ma sɔla yoomu fɛɛn-fɛɛndo a hɔlten le pilɛ a á hɔltan nɔu latiɔn kɛ ma viow nɔm o ɲánndávàà.

Matie 18:9 Referans Kwoze

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Matie 18:8

Te ba nɔmndo, te kon te pelii nɔmnde co tosa ni ma del o pɔwlan nin, mɛɛ kiolu ba kalaa, te kon te pelii kalɛi, ma viow ndi polon. Kani o co fisa ma sɔla yoomu fɛɛn-fɛɛndo a baa ndu pilɛ, te kon te a pelei ndii pilɛ, a balan tan tiɔn te kon te pelon mún miun kpow nɔu, mà viow nɔm o yinnde fɛɛn-fɛɛnnden nin.

Matie 5:29

Te hɔlte nɔmnde ba kɛndɛlen le co tosa ni ma del o pɔwlan nin, mɛɛ kala len, ma viow len polon. Kani o co fisa mi dialii nɔmnde ndii pilɛ i tambu a nɔm pila kpow viownɔnndo o ɲánndávàà.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

Marke 9:47

Te hɔlte nɔmnden le co tosa mà mal nɛiyo ni, mɛɛ kala len, kani o co fisa mà luɛi o masale Hala len nin a hɔlten len pilɛ, a hɔltan nɔu tan tiɔn mà viow nɔm o ɲánndávàà.

Matie 19:17

Mí Yeesu mulul ndu aa: «Le yɛɛ n co yɛ ya ɲunaa a dɛnɛ kɛndɔɔ o kɔɔ? Ɲɔɔ ndu pilɛ kpé naŋ ni. Taa yeema pɛ le cindaa sɔlaa, mɛɛ bii tɔŋndan.» Mí langbanɔɔ ɲuna ndu aa:

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?