Matie 18:7 - BII BILA

⁷ Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

Matie 18:7 Referans Kwoze

Luke 17:1

Mí Yeesu dimul kaandeŋaa ndɔa aa: «Mɛɛ tosaa co le, fɔ mì tɔɔndanndan la va o ceendo coo. Kɛ dɛnɛ palaa co le vana malnin vanndo o tɔɔndanndo nin-ndo!

1Korɛntea 11:19

Kɛ nduyɛ, mɛɛ mì piɔvanndan la va niaa tɛɛn, haliko mi vana sínà vanaa lo o lediom coo lekɛ́ndɛi-ya.

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Tite 2:8

Mì sɔɔn nɔmndon n sandu, vana nɔla mun sɛɛngiaa le, o kon mì yaamɔɔa laasian, a nɔla lɛ ɲɛ-ɲɛ vɔɔn dimi a naa o kɔɔ le.

Tite 2:5

mà va vanaa bii kɔlta ndalan-nda, a vanaa dendu Mɛlɛka o hɔl-la. Mà va vanaa bii cɛila ndalan-nda, vanaa kɛndɛa a vanaa ke piaandaa ndaa bɛɛlen-nda, yɔŋii vannda dimi sɔɔn vɔɔnndon a sɔɛi Hala-e o kɔɔ.

1Timote 6:1

O bɛnda mì vanaa-vanaa co cɛa ke vanaa ndaa bɛndua bɛɛlen mɛɛ o bɛnda yɛ, yɔŋii vannda soo sɔɔn vɔɔnndon a Hala naa a á pɛɛkula naalan o kɔɔ.

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.

Nsaŋ 17:12

Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.

Marke 13:7

Tuma niaa tuɛinin sɔɔn cɔwvon a ɲiimu-ɲiimu lacɔwvo-o, la láásiàn kɔltan te. Kani fɔ mì ken tosan, kɛ o ve vɔnin lamɛɛlu le la vanin ndan te.

2Samiɛl 12:14

Kɛ le tùú n tosa dɛnɔɔ ho mà yɔngu yaamɔaa Mɛlɛka-a fɛɛlɔɔ le ndu tɛɛndanndo-o, po n velu ho-o lonin te, vuo o co ni.»

1Samiɛl 2:17

Nuaa poaa Helii-a va hakilan kɔndɔɔ taw a Mɛlɛka ni. Kani ndáà ke Mɛlɛka lebɛɛ a sálàla vannda va ndu solullo lan te.

O Kandɔɔ 13:7

Handɔɔ o kon coo, Kanannda a Perisiia bɛɛ va icali o lɛŋnde len nin telen kon. Mí vanaa mandaa n'cɔlua Abram-nda saan sɛɛngianndo nda vanaa mandaa n'cɔlua Lɔt-a.

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»