Matie 18:6 - BII BILA

⁶ «Kɛ vana yɔŋnun pɛ sabu le cuaambɔ laalan ya-o lueiyo o pɔwlan nin, o co fisa le vana kon, mà baa ndu pow bɛndoo o labolo, mà viow ndu o mɛmma ihɛllan bɛngu di.

Matie 18:6 Referans Kwoze

Marke 9:42

Vana-vana yɔŋnun pɛ sabu le cuaambɔa pɔmbɔa laalan ya haa o pilɛ lueiyo o pɔwlan nin, o co fisa mà baa vana kon pow bɛndoo o labolo, mà viow ndu o mɛmma ihɛllan nin.

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Matie 18:14

Lende koni, Fuɲa niaa co o halataala-o yeema mì cuaambɔa pɔmbɔa ha o pilɛ bɛɛ lo le.»

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

Rɔmnda 14:21

O naŋ-ndo co ni, vana dia n'visi le, vana kol mamɔi le, vana tosa ɲɛ-ɲɛ luei puapilɛ nɔmndo o pɔwlan nin-ndo le.

Sakari 2:8

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Dɛnnda kiilaa 9:5

Mí Sol ɲuna aa: «Nɔm nɛ̀ɛ́-nɛ̀, Maalii?» Mí diomndo muli aa: «Ya ni, Yeesu n co yɛlen tollo-o.

Matie 17:27

Kɛ yɔŋii naa n tɛɛmbuu nda kɔltan, kɔ o dalaa nin, mà kɔ landu dolinnde, suw tase n cuanin-ndo, a kumbi ndu sondoo, a soli volii n saalunnin ndu o sondo-e, a hun yɔngu le naa ŋiɔn.»

Matie 18:5

Nduyɛ vana-vana cɛl pɛ cuaambɔ pɔmbɔɔ maa hoo o diola nilan, mɛɛ ya pila o cɛl ni.»