Matie 18:3 - BII BILA

³ mó dimi aa: «I co niaa toɲaa dimul, te la mangalan mì la muungu maa cuaambɔa pɔmbɔa le, la lueinin o masale halataala len nin te.

Matie 18:3 Referans Kwoze

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

Matie 19:14

Mí Yeesu dimi aa: «La mal cuaambɔa pɔmbɔa hunɔɔ o ya lo, la kuuna nda le. Kani le vanaa co maa nda-a masale halataala len le co ni.»

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Condii lisai 131:2

Kɛ i cii kɔl nuu biyɔɔ mì meinun kpili mɛɛ cɛlɛkpɔɔ mɛinun o mɛɛle kala ndɔlen bɛngu nuaa yɛ. I nɔ kɔlkɛsiaa maa cɛlɛkpɛ kon.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Luke 13:24

«La kindin le luɛyɔɔ o dio sɔɔkɛɲɛɛo, kani mì dimul niaa, vanaa bɔɔ-bɔɔ a kindikindinnin le luɛyɔɔ, kɛ a tiwnin ba le.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Dɛnnda kiilaa 28:27

Kani kɔlta vannda ha la bii isɔɔ le, a cii nilan baŋul mà kinda hɔltan, yɔŋii nda cɔ a hɔlta ndalan, mà tuei a nila ndalan, mà bii bila a kɔlta ndalan, yɔŋii nda hun ya o ibuŋ, mà sɔla siongɔɔ.›

Nsaŋ 1:51

I co niaa toɲaa dimul válán, la canin halataalaa o kumbia, mì la ce mɛlɛkaa Hala-a helɔɔ a tolɔɔ Po vanacieo coo.

Matie 5:20

Kani mì dimul niaa, te dɛnɛ niaa sandaa hiw dɛnɛ sandaa vanaa pɛɛkaa latɔŋnda a Faliisia le, mɛɛ la lueinin o masale halataala len nin te.»

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

Marke 4:12

haliko a va bɛɛ tofaa, a ca le, a va bɛɛ tueyɔɔ, a bii bila le. Yɔŋii nda mangalan mà sɔla hakio malɔɔ.»

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Matie 19:23

Mí Yeesu dimul kaandeŋaa ndɔa aa: «Mì dimul niaa toɲaa, o kendu le vana bolofaa luɛyɔɔ o masale halataala len nin dɛ!

Matie 13:15

Kani kɔlta vannda ha la laasian, a cii nilan baŋulɔn, má kinda hɔltan, yɔŋii nda cɔ a lahɔl, mà tuei a lani, mà bii bila a kɔlta ndalan, mà mangalan, o kon mì singi nda.›

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Matie 5:18

I co niaa toɲaa dimul, te halataalaa a lɛŋnden le co vɔ pɛ, hali diomnde hiow dɔɔnanndo len, te kon te sɛva hiow dɔɔnanndo-o faŋannin o tɔŋndo coo le, háá mì mɛɛlula ɲɛ-ɲɛ la tiiya.

Matie 18:2

Mí Yeesu veelu cuaambɔ pɔmbɔɔ pum, mó simi ndu nda tɛɛn,

Matie 18:4

Lelan, vana-vana tuisin pɛ maa poombɔ pɔmbɔɔ ho, ndu hiawnin vaa o bɔɔ o masale halataala len nin ni.