Matie 18:25 - BII BILA

²⁵ Le tùú ndóò nɔ ɲɛ le mun salaa loo, mí vana ndɔ bɛndoo dimi le ndu pila, laa ndɔ, cuavaa ndɔa a ɲɛ-ɲɛ ndóò ndɔ pisio, le kuee ndɔ kon salaa.

Matie 18:25 Referans Kwoze

Nehemi 5:5

Nduyɛ, falun pilɔn naa n nɔ naa puapilɛa naa ni. Ɲɛ pilɔɔ cuavaa naa a cuavaa ndaa co ni. Kɛ nduyɛ n co poaa naa a cuavaa naa laandua malɔɔ o cɛlen nin, cuavaa naa laandua pum co nin lenin, n nɔ lɛ mɛ̀ɛ́-mɛ̀ɛ́ tosaa le. Le caanda ciɛɔn nan a nakɔla naala n'rɛsɛnndan la co nin ni.›

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

Luke 7:42

Mɛɛ nda ŋiɔn kpow vana-vana nɔla mun sala le yɛ, mó mal nda le kueela lan nda ŋiɔn kpow. O nda ŋiɔŋaa kan tɛɛn, o kuɛɛ hiaw yɛnin ndu kaolaa?»

Tɔŋ lasálàá 25:39

«Te kuɛi tol pɛ puapilɛ niaa coo, mì ndu pila lendulun niaa o ba, la bii ndu maa cɛ le.

Nehemi 5:8

mí dimul nda aa: ‹Naa pila n baŋa puapilɛa naa Yuifia nɛɛ nda va a pisiaa o cɛlen nin vanaa celennda o ba-a ni. Kɛ niaa niaa, la co puapilɛa niaa piisuanndo niaa pila o laba.› Má mei kpili, a sɔla mɛ̀ɛ́-mɛ̀ɛ́ mulia le.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Fulaa 21:2

Te la pendu pɛ cɛɔ, mì cɛ kon va Hebreenɔɔ, o bɛnda mò tosal vana pendu ndu-o baalaa o vɔsilan laŋɔmpum bɛngu. Kɛ o vɔsi ŋɔmmɛwndɔɔ, o sɔla hɔ́ɔ́yɛi ndɔɛi, o kɔɛnnun. O bɛnda mò sala ɲɛ-ɲɛ le baŋan ndɔ kon te.

Fulaa 22:3

«Te cɔloo o ciimbuu ni, o va naw, o va sofɛlɛ, o va saa, taa saalun pɛ cɔlu kon o kiyɛiyo ndu o ba, o sala cɔlua nda ŋiɔn sɔngɔ cɔlu pilɛ o ciimbuu kon-ndo.

Matie 18:24

Ndóò kandɔɔ sɔɔn yaasiaa, má cuu ndu langbanɔ pilɛ fulaa o vanaa ndɔa baalaa tɛɛn, mí volion hel ndu taw-taw.