Matie 18:23 - BII BILA

²³ Lelan masale halataala len le co maa masa ndóò yeema le vanaa ndɔa baalaa konaa ɲunaa-o.

Matie 18:23 Referans Kwoze

Matie 13:24

Mí Yeesu dimul nda vɛlɛ tale celen aa: «Masale halataala len le co maa langbanɔ saŋ malun kɛndɔn o ciɛi ndɔɛi nin-ndo.

Rɔmnda 14:12

O kon vana-vana o naa tɛɛn dɔawnunnin kona o Hala lo le ndu pila.

Matie 13:47

«Masale halataala len le co ko vɛlɛ kpen a yala yɔɔyaa nda vuu o dalaa nin, mó kɔandu suvaa súú-súù ka-o.

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Matie 25:14

«Masale halataala len le vanin maa langbanɔ va kɔlan kelaa, mó veelu buɛyaa ndɔa, mó yɔngu nda bolofaa le mandaa-o.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Matie 13:33

Mí Yeesu dimul nda vɛlɛ tale celen aa: «Masale halataala len le co ko vɛlɛ kpen a lɛvɛnndo, o vanalanɔɔ pum cua mó vow o kpeyan kilo leyáá-o nin-ndo. Mí lɛvɛn kon tosa mí kpeyan kon kpow hindu hindɔɔ pila.»

Matie 13:31

Mí Yeesu dimul nda vɛlɛ tale celen aa: «Masale halataala len le co ko kpen a kulii mutarde, i vanndo pum cua mó tɔal o nakɔ ndɔɔ nin-nde.

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Matie 18:24

Ndóò kandɔɔ sɔɔn yaasiaa, má cuu ndu langbanɔ pilɛ fulaa o vanaa ndɔa baalaa tɛɛn, mí volion hel ndu taw-taw.