Matie 18:12 - BII BILA

¹² Mí Yeesu dimi taloo aa: «Vɛ̀ɛ̀ niaa yiyan yɛ? Te vanndo pum nɔ pɛ saa kɛmɛ, mì o pilɛ o nda tɛɛn o lo, vɛ̀ɛ̀ o mɛi saa belaŋɔmahiɔɔlu a à ŋɔmahiɔɔlua o pembei coo mò kɔɛ o lo-o nuwviaa le?

Matie 18:12 Referans Kwoze

Esekiɛl 34:12

Mɛɛ vana mandaa n'saa cuungiaa cɔlua ndɔa paale nda co sɛŋin-nden yɛ, lende ya mɔɔsiaanin saa nia ni, mì soli nda o fondala nda co a saŋnannda nin-ndan kpede, nɛɛ ndáà sɛŋin o paale yumbuyumbulen a o paale ɲumma bɛndulen coo-a.

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Esekiɛl 34:28

A ve lɛnin pungapungaa vanaa-mangalaa-isɔɔa tɛɛn te. Visia (biyaa) co o lɛŋnde ndalen nin-nda som ndɛnin nda le, a vanin icali nila ɲulu, vana-vana vueinun ndɛnin nda le.

Esekiɛl 34:6

Saa nia co luusianndo o pembun bɛndon kpow coo a o buubuuon kpede coo, a co a saŋnannda yondoo nin o lɛŋnden kpow nin, vana-vana nɔ nda lehɔl coo le, vana-vana co nda nuwviaa le.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

1Piɛr 2:25

Kani maa saa luusian-nda niaa va ni, kɛ sunsun la muungu vana co niaa mandaa-o o ibuŋ, ndu co kɔlta niaalan mandaa ni.

Matie 12:11

Mí Yeesu mulul nda aa: «O niaa tɛɛn, ɔ́ɔ̀ vana nɔ saa ndu pilɛ, mì saa kon del o soondo nin o paale pɛngiaalen coo, mò kɛɛ ndu biyɔɔ le ndu solio-o?

Yeremi 50:6

Maa kunda saa laasiɛi vanaa niaa va ni. Vanaa va nda mandaa-a ndáà hiŋ nda hɔlla ni, má mal nda laasianndo o pembon a o buubuuon coo ba-ba fee, má pɔɛɛnun hee ndaa.

Condii lisai 119:176

I co kelanndo maa saa lo-o, nuwviaa ya, ya vana baala nɔmndo, kani i co tɔŋnda nɔmndan pɔɛɛnɔn te.

Matie 21:28

Mí Yeesu dimul nda aa: «Vɛɛ niaa yiyan yɛ? Langbanɔ pilɛ ndóò nɔ poaa nda ŋiɔn, mó dimul o tasoo aa: ‹Po nuu, kɔ tosal-la hau baalaa o nakɔ n'rɛsɛn nuu nin!›

1Korɛntea 10:15

Maa mɛɛ ya sɔaa o vanaa kɔlkalua lo yɛ ya co niaa diomndan ndan dimullo ni, niaa pila kiolu sɔɔn ya co dimio-on iyama.

Matie 22:42

«Vɛ̀ɛ̀ niaa yiyan yɛ a Krista? Po nɛ̀ɛ́ o co yɛ?» Má mulul ndu aa: «Po David-o o co ni.»

1Masaa 21:17

O kon mí diom Mɛlɛka-o dimulun Elii fula Tisbe-o aa:

Esekiɛl 34:4

La luei saa nɔ mayoomu le-a yoomuan te. La cɛw a va a nààlan-nda le. La hol pavii a yɔŋulun-nda le. La mingi a va laasianndo-a a tɔ̀a coo le. La nuwviaa a luusian-nda le, kɛ mí la cal nda coo a kpaayaa, a paa-kala.

Matie 18:13

I co niaa toɲaa dimul, te o saalun pɛ ndu, o dɔwnun ɲaale le saa pilɛ kon hiovɔɔ ɲaale o dɔawnun le saa belaŋɔmahiɔɔlu a à ŋɔmahiɔɔlua lo le-a-o.