Matie 18:10 - BII BILA

¹⁰ La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Matie 18:10 Referans Kwoze

Condii lisai 91:11

Kani o dimulnin mɛlɛkaa mà kanda nɔm o nɛila nɔmndan kpow coo.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Condii lisai 34:7

Vana bala fondoo koŋul pɛ, Mɛlɛka tuei ndu diom, o soli ndu o buulannda ndɔlan kpow nin.

Luke 16:22

Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Luke 1:19

Mí mɛlɛkanɔɔ mulul ndu aa: «Ya co Kabriɛl ni. I co isisi Hala o hɔl le ndu baalaa tosallo. O vem ya, mì soo o nɔm ndo, mì dimul nɔm Yoongu kɛndɔɔ ho.

Matie 18:14

Lende koni, Fuɲa niaa co o halataala-o yeema mì cuaambɔa pɔmbɔa ha o pilɛ bɛɛ lo le.»

Matie 18:6

«Kɛ vana yɔŋnun pɛ sabu le cuaambɔ laalan ya-o lueiyo o pɔwlan nin, o co fisa le vana kon, mà baa ndu pow bɛndoo o labolo, mà viow ndu o mɛmma ihɛllan bɛngu di.

Matie 2:19

O piɔ́m Herɔde-o kɔɔli, mí mɛlɛkanɔ Hala-o fulal Yosɛf o lɔma sɔlaan nin Esipte,

Matie 2:13

Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

1Korɛntea 11:22

Vɛ̀ɛ̀ vana-vana nɔ cɛi ndɔ le dioo a kolɔɔ lon te? Te kon te vɛ̀ɛ̀ vanaa laalan Hala-a niaa yeema bɛ̀ɛ̀lan tɛɛmbuuo mì la tuisi vanaa nɔ ɲɛ-ɲɛ le-a siɛmbulan ni? Yɛɛ ya dimul-lɛ niaa vɛlɛ? Vɛ̀ɛ̀ i candu niaa lelan? Kɛì-kɛì bɛɛ! I cendù niaa le.

1Korɛntea 16:11

Vana-vana kialun ndu yii le. La mala ndu mò kɔɛ nɛɛ o co lan-nda a kɔlɲuloo, mò muungu ya o ibuŋ. I co ndu cumndo nda puapilɛa.

Rɔmnda 14:10

Kɛ nɔm, le yɛɛ n co yɛ yamɛi puapilɛ nɔmndo kiolɔɔ? Te kon te, le yɛɛ nɔm co yɛ puapilɛ nɔmndo pɛɛsaa? Kani mɛɛ naa n co kpede, n simnin Hala o hɔl mò kelu naa iyama.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Dɛnnda kiilaa 12:15

Má dimul ndu aa: «Seemaa co nɔm o hɔl ni.» Kɛ mó baŋ kpíŋ aa ndu ni. O kon, má dimi aa: «Mɛɛ ɲinɛi ndɔɛi ni.»

Dɛnnda kiilaa 10:3

Paale pilɛ, lɛɛlɛ yàándɔɔ vaa le tiiyaa a paale yɔngannden, mó ca mɛlɛkanɔ Hala-o luɛyɔɔ o ndu lo cɛinin o vundulen nin, mó dimul ndu aa: «Kɔrnɛil.»

Dɛnnda kiilaa 5:19

Kɛ icɔllo, mí mɛlɛkanɔ Maalii-o kumbi diola luɛyaala cɛi kaaso kalaa, mó soli nda, mó dimul nda aa:

Condii lisai 17:15

Kɛ ya ya, i canin hɔlaa nɔmnda o sandei nin, tuma ya tiandunin-ndo, i tofanin nɔm háá mì pim.

Condii lisai 15:4

Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

1Korɛntea 9:22

Mí siingun vana nɔ mayoomu loo vanaa yoomuma lepɛŋnda tɛɛn le nda sɔlaa. Mí cɛl dɛnnda vannda kpow haliko mi yáà kei o nɛi oo nɛi coo le vanaa pum ciindiaa.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Rɔmnda 14:21

O naŋ-ndo co ni, vana dia n'visi le, vana kol mamɔi le, vana tosa ɲɛ-ɲɛ luei puapilɛ nɔmndo o pɔwlan nin-ndo le.

Dɛnnda cɔɔmuanndan 8:2

O kon kɔɔli, mí ca mɛlɛkaa ŋɔmmɛvaa va isisi Hala o hɔl-la, má ke nda bulula hɔŋaalan tan ŋɔmmɛw.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

2Korɛntea 10:10

Kani vannda co dimio aa: «Diomnda co o sɛbɛla Pol-tan nin-ndan la vɔw bɔɔ, la hɛnan vana o tueyɔɔ le, kɛ ndu pila va pɛ naa tɛɛn, vana ci ndu ɲɛ-ɲɛ le, vana luei bɛɛ sɔɛi ndɔɛi yii le.»

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Matie 12:20

O siownin kpɛ̀ndɛ̀le co nin le yomɛilen-den kendi le, o siownin tɛngɛ co nin le ɲumndo-o ɲumi le, lende o co lo tosaa ni háá mi dɛnɛ sandaa tiw sɔ́.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

Ɛstɛr 1:14

Vanaa ndɔa silaa va ndu ikɛi kpɛɛlun-nda va haa ni: Karsena, Setar, Admata, Tarsis, Merɛs, Marsena a Memukan. Nda vanaa ŋɔmmɛvaa kan va vanaa bɛndua lebolla le Pɛrsea a Mɛdea n. Nda va o fondala bɛndulan o masale ndɔlen nin ni, kani masaa ndóò laalan nda.

2Samiɛl 14:28

Mí Absalɔm tosa vɔsilan tan tiɔn Yerusalɛm, o del masaa lehɔl te.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.