Matie 17:5 - BII BILA

⁵ O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Matie 17:5 Referans Kwoze

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Matie 12:18

«Vana ni baala ya hɛli-o co hoo ni, o ya kaola-o, o ya hini kɔl-lo pɛɛn. I tuisinin Kɔl nuu ndu coo, mò cɔm vanaa-mangalaa-isɔɔa dɛnɛ sandaa.

Marke 9:7

Mí yumbuyumboo toal, mó kumbu nda, mí diomndo fula o yumbuyumbu kon nin aa: «Po ni ya kaola taw-vo co hoo ni, la yaŋ ndu nilan.»

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.

Marke 1:11

Mí diomndo fula o halataala aa: «Po ni ya kaola taw-vo n co ni, a hɛnan ya taw.»

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Luke 3:22

mí Hala Kɔl-Diandaa toal ndu coo maa kangbo. Mí diomndo fula o halataala aa: «Po ni ya kaola taw-vo n co ni, a hɛnan ya.»

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Tɔŋ miingua 18:19

Vana-vana kɛɛ pɛ sɔɔn nun biyɔɔ, sɔɔn vana-tɛɛngaa-diom Hala kon tɛɛngulnin nda o diola nilan-ndon, ya pila ɲunanin vana kon le kɔlɔ o kɛɛ le sɔɔn nun biyɔɔ-o.

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Nsaŋ 5:37

Pua vem ya-o bɛɛ timbi seilen a ya o kɔɔ. Kabi bɛɛ la tui diom ndɔɔ le, la ci hɔlaa ndɔa le,

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Esai 42:21

Mɛlɛka ndóò yeema le tɔŋ bɛndu kɛndɛ-kɛndɔɔ yondaa, le dɛnɛ kɛndɛ Israɛlla.

Tɔŋ miingua 5:22

Sɔɔn mun Mɛlɛka dimi kpendekele o yinnden tɛɛn, o kumii bɛnduei nin le vanaa va isisi o pembei bɛngu-a kpow ni. O hendu ɲɛ-ɲɛ lecoo le. O kon kɔɔli, mó sɛva mun o powta yɛ́ndɛ́lan tan tiɔn coo, mó yɔngu ya lan.»

Fulaa 19:19

Diom buloo va hiovɔɔ laci a deŋio tuŋ-tuŋ. Moise va sɔɛi, mí Hala va ndu mulullo a diomndo maa diom letaŋ.

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

Condii lisai 81:7

‹I faŋa volɔɔ lusulaa niaa o congú, mí soli niaa o baalala nda va niaa baŋɔɔ tosaa lan nin.

SƐBƐ YƆB-O 38:1

Mí Mɛlɛka mulul Yɔb o hoeyii fùkù-fùkùei nin, mó ɲuna ndu aa:

Matie 17:6

Kaandennda tueyɔɔ diom kon, má deli lɛŋ a kuumbuan, mì siòònde bii nda taw.

Dɛnnda cɔɔmuanndan 14:14

Yáà tofaa, mí ca yumbuyumbu humboo, vanndo va icali o yumbuyumbu kon coo, velanndo ndu a Po vanacieo. Ndóò nɔ mɔsil lemasaa n'sianio o lebol, vɔlɔtɔ luɛyaa va ndu o ba.