Matie 16:23 - BII BILA

²³ Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Matie 16:23 Referans Kwoze

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Kolɔsea 3:2

La handu kɔllo o ɲɛm co o halataala-on coo, la yiyan mun lɛŋ coo le.

Marke 8:33

Kɛ mí Yeesu mulin, mó tofa kaandeŋaa ndɔa, mó soaa Piɛr, mó dimul ndu aa: «Faŋan ya kɔɔli, nɔm Setana, kani yiyannda nɔmndan la co yiyannda Hala le, yiyannda ivanacieeyalan la co ni.»

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Nsaŋ 6:70

Mí Yeesu mulul nda aa: «Vɛ̀ɛ̀ o co ya le hɛli niaa n'van tɔ́ a vanaa ŋiɔnda ha le? Kɛ nduyɛ, ɲina vɔɔndo luɛi vana pilɛ nin niaa tɛɛn.»

Luke 4:8

Mí Yeesu mulul ndu aa: «O co o sɛvaa aa: ‹Biilu Mɛlɛka, o co Hala nɔmndo-o. Ndu pilɛ kpé n bɛnda ma tosal baalaa ni.›»

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

1Dɛnnda lemasalan 21:1

Paale pilɛ, mí Setana can le Israɛlla tɛɛmbuuo. Mó luei David yiyanndo nin le Israɛlla diolan sɛvaa.

2Samiɛl 19:22

O kon mí Abisai, po Seruya-o soaa, mó ɲuna masaa aa: «Vɛ̀ɛ̀ le hee Simei yeow hoo masa Mɛlɛka pɔla-o-o kɛɛnin piɔ́mndo sɔla ni?»

Esai 8:14

Nduyɛ, o vanin cɛi-kola-toandaa diandaa le yungu ndɔɔ, kɛ o vanin vɛlɛ pow boŋaa, pow kpova nɛinun vannda-o le masɛi ŋiiŋii Israɛlla. O vanin vɛlɛ yalaa a yaŋɔɔlen le vanaa co icali Yerusalɛm ciee-a.

Rɔmnda 14:21

O naŋ-ndo co ni, vana dia n'visi le, vana kol mamɔi le, vana tosa ɲɛ-ɲɛ luei puapilɛ nɔmndo o pɔwlan nin-ndo le.

Matie 18:7

Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

Matie 16:22

Mí Piɛr veelu ndu landɔ, mó kɔ dimul ndu aa: «A foofen! Màá Hala cɛl mì dɛnɛ vaa lende yɔŋnun nɔm te, Maalii!»