Matie 16:21 - BII BILA

²¹ Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Matie 16:21 Referans Kwoze

Matie 17:12

Kɛ mì dimul niaa maa Elii hin nin, kɛ vannda sina ndu le, má tosal ndu mɛɛ ndáà yeema yɛ. Lende koni nda saangiaanin Po vanacieo ni.»

Matie 27:63

má dimul ndu aa: «Vana bɛndoo, n loonun maa telen langbanɔ poopoo ho va vɔ yoomu-o, mó dimi aa: ‹Te i vi pɛ, palɛi yaa o kon kɔɔli, i tendulnin.›

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Luke 17:25

Kɛ mɛɛ mò sanga fɔlɔn o dɛnndan taw nin, mì vanndacieea vaalio ho a kɛɛ ndu.

Luke 24:46

Mó dimul nda aa: «Ɲɛ co o sɛvaa lenin-ndo co hoo ni aa: Krista co hunɔɔ sanga, mò tendul fulaa vanvílɛ́iya tɛɛn o paale yàándɔlen,

Marke 8:31

O kon kɔɔli, mí Yeesu kandu kaandeŋaa ndɔa dimullo maa fɔ mì Po vanacieo sanga taw, mì vanaa bɛndua lelɛŋnda kɛɛ ndu, mì bolii vanaa-solia-lasálàá a vanaa pɛɛkaa latɔŋnda kɛɛ ndu, mà dii ndu. Palɛi yaa o kon kɔɔli, mò tendu fulaa vanvílɛ́iya tɛɛn.

Luke 9:31

Biilu Hala-o va nda o balaa sɔ́, ma va sɔɛi o Yeesu lo a mɛɛ ndóò sɔlanin piɔ́mndo Yerusalɛm yɛ.

Matie 26:47

Yeesu lo sɔɛi, mí Yuda, vana pilɛ o kaandeŋaa tɔ́ a à ŋiɔnda tɛɛn hun a vannda sɛ́lɛ́ bɛndoo kɔɔli. Mɔɔn cɔwvon a yɔmii bingiei va nda o laba. Bolii vanaa-solia-lasálàá a simlacia lelɛŋnda ndáà vem nda ni.

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

Matie 27:12

Mí bolii vanaa-solia-lasálàá a simlacia va ndu sɔɔn hɛɛnduuo coo, kɛ Yeesu kuŋ te, o soli le.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Nehemi 12:7

Sallu, Amɔk, Hilkiya, Yedaya. Haa va simlacia vanaa-solia-lasálàá a puapilɛa ndaa leviia ni.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Matie 16:22

Mí Piɛr veelu ndu landɔ, mó kɔ dimul ndu aa: «A foofen! Màá Hala cɛl mì dɛnɛ vaa lende yɔŋnun nɔm te, Maalii!»

Matie 17:9

Tuma nda va pembei tolɔɔ-o, mí Yeesu sila nda aa: «Háá mi Po vanacieo tendul fulaa vanvílɛ́iya tɛɛn, La dímul vana-vana a vundule niaa ce len-nden o kɔɔ le.»

Matie 28:6

O co nanu le, kani o tendul maa mɛɛ ndóò dimi yɛ. La hun tofa fonda o va o yambaa-o.

Marke 9:12

Mó mulul nda aa: «Kani Elii co fɔlɔn hunɔɔ, mò mingi dɛnndan kpow o fonda ndɔɔ. Vɛ̀ɛ̀ o co yɛ o sɛvaa a Po vanacieo o kɔɔ, o co hunɔɔ, mò sanga taw, mì vannda ce ndu vana fondoo-o?